ba kan toro (si taba sa laog kan tolang) sa sarong onzang mantika kan orig. Bogtakan kan sarong onzang aceite de abellana. An pomadang ini ay marahay na magpatalobo kan bohok segun sa napatutunayan kan kadaklan.
Kun dai pa minadatong an Doctor magsalak tolos kan magkasindakol na asin saka mostaza sa sarong basong tubig asin iyo an ipainom asin siya masuka; sa siring na paagui, mahahale an hilo. Marahay man na painomon kan clara kan sogok ta iyan marahay na pagnontra sa hilo.
Kun bakong hararom an lugad ay hugasan na lamang sa mainit na tubig na may salak na asin. Ibogtak nindo sa mainit na tubig na may tagdo kan acido carbolico. Marahay man na bogtakan an lugad kan 5% na solucion kan acido carbolico.
Dai magduko kundi bogtakan kan gapas an dogno o kaya sulaton an dogno kan malinig na paño, asin ta iyan maontok. Dai man magsugna tagnaning dai magtoro guiraray an dugo. Kun dai pa guiraray naaampat an dugo ay itaas an duang kamot asin ta bason an loong kan malipot na tubig. O kun minsan ay bogtakan na lamang kan agua de