kan kan tinadtad na pino nin pasas iba pang frutas na kaarog kan manzana na tinadtad. Timplahan kan tagok nin limonsito asin iyo an ilaog sa tinapay na may pahid na mantekilla.
Magbogtak kamo sa kawali nin 2/3 na tasa kan laman nin camates asin 2 kutsara kan mantekilla asin kadikit na asin tagnaning magkanamit, dagnan pakalakagaon ini. Magbati nin duang sogok asin ibogtak man guiraray digdi saka bokagon sagkod na magpulotpulot. Magronot kamo nin walong biscuit asin isalak guiraray tagnaning maguin siring kan pasta na mangyayaring ipahid na sa tinapay na may mantekilla.
Tadtaron an magna minasunod na gulay: lombod na seboyas, pipino, siling kastila na mayong harang, letchugas asin camates. Haleon an ibang tagok asin timplahan kan mayonesa na may tinadtad na perijil. Ilaog sa tinapay na siring man kan nasa itaas.
Kumua kan sarong latang salmon asin ronoton patin salakan kan sogok na linuto (6 na sogok na matagas) timplahan kan tagok kan limonsito o ano panimpla sa ensalada asin dagnan ilang sa man na tinapay na may mantekilla.
