hay su mamondó asin mapagtuyá-tuyang hoyom na iinakó ni Simoun kan baretá na dadakopon sya. Anong kahologán kan hoyom na ito? Asin su saró pang hoyom na orog pang mamondó asin mapagtuyá-tuyá na gayo, kan naaraman na maarabot (433) pag-ika-walong horas lámang nin banggi? Anong kahologan kan misteriong ito? Anó ta habong tumagó si Simoun?
Nagiromdoman nya su bantog na talumpati ni San Juan Crisóstomo sa pagsorog nya sa eunoco (434) na si Eutropio: "Dai pa sagkod magkakanigong sabihon na siring sa ngunyan: Kasayangan nin mga kasayangan asin gabós kasayangan!"
Ohó, an Simoun na ito na mayamanon na gayo, lubós na makapangyarihan, na kan omináging semana pinagtatakutan nin makuri, ngunyan, labis pa kadaing pálad ki sa ki Eutropio, naghahanap nin mapailihan bakong sa mga altar nin sarong simbahan, kundi sa makauúgay na harong nin sarong dukhang clérigo na ini, na wará sa kadlagán, su malipungaw na tampi nin dágat! Kasayangan nin mga kasayangan asin gabós kasayangan! Asin an táwong ito, sa laog nin dai pirang horas dadakopon, bobolnoton sa higdaan na saíyang nahihigdaán, daing gálang sa saiyang kamugtakan, daing isusugad sa saíyang lúgad, búhay o gadán hinahágad sya kan saíyang mga kaiwal! Paanong ikaligtas sya? Saen matutuklasan an mga makayoyogtong tingog kan obispo Constantinopla? Anong kapangyarihan kan saiyang mga dukhang tataramon, an tataramon nin sarong clérigong indio, na an saiyang kasopganan an Simoun mansanang ito sa mga aldaw nin saiyang muráway garong minaoyon asin minadagka?
Dai na nagigiromdoman ni Padre Florentino su indiperenteng pagakó na sa duwang bulan na nakalihis ginibo saiya kan joyero, kun boot nyang pagtabangan si Isagani, na nabilanggó huli basangbasang na saíyang paghalangkaw; nakalingaw kan hiró ni Simoun sa paghumari kan kasal ki Paulita, kasal na nakabugtak ki Isagani sa sarong madahas na kalipunawan, na iyong dahelán na dai mamatukaw su amaon: su amaon: si Padre Florentino lingaw na an gabós asin dai syang ibang nagigiromdoman kundí su kamugtakan kan naghehélang, kan saiyang katongdan bilang pinagsakatan, asin makuri su saiyang kaiísip. Súkat daw na tagoon nya ito tangáning malikayán an gawé kan sandag? Alá-
