ito na mangyaring magkaparatós nin muráway sa mga mata kan saindang mga babaye, asin síring sa sarong nagmamahal na nasa pagkadai-nin pagsárig naoorihan sainda huli ta mangyaring magpakatuklas nin masanggáyang paghógot, asin naghahagayhay:
"Ah! boot kong magadán, makabalik ako sa dai nin saysay, walatan ko an sakong bansa nin satong mamuraway na pagngaran, magadán huli saiya, ipaglaban sya túmang sa dapleng panalákay asin ngápit liwanagan kan talá-ínit an sakong bangkay bílang daing hiró-hírong tanod sa mga bató kan kadagatan!"
Asin nagiromdoman nya su pasúhay saka su mga alemán, asin haros ipinagmondó nya na nahúsay; námuya kutá syang magadán huli sa wagayway na kastilá-filipino ki sa pomasákop sa daplé: "Huli ta pakatapus kan gabós," pinagisipísip nya, nabobogkos kita sa España nin matoós na gapus, an nakaagi su salaysay, an katinubdan, an horon.
An horon, ohó, an horon! Sarong mapagtuyá-tuyang hoyom lominadawan sa saíyang ngábil; kan bangging ito igwa sinda nin dulaan sa pansiteria sa pagcelebrar kan pagkagadán kan Academia nin Kastila. "Ay!" huminagayhay; "makaárog kan mga liberal sa España an mga satuya digdi, sa laog nin madaleng panahón mabibilang kan Inang Bansá an mga dayúpot na tawohan!"
Nagiinánay na magibabá su kabanggihon asin kasabay kaini nagoorog man su kalipungawan sa pusó kan hagbayon, na haros mawaran nin pagláom na máhiling si Paulita. Su mga nagraralakawlakaw luhaylúhay na naghaharalé sa Malecón ta maduruman sa Es- colta, na an togtog nagpapadangog nin mga kabtang nin mga kundiman na dara dumán kan mahayahay na símuy nin kahaponon na símuy kan kahaponon; su mga dumágat sa sarong sakayan pagdigmá na naaankla sa sálog, nagmamaniobra kan sa bago bumanggi, nagsasarakat sa pisí mga maliksi na síring sa lawá; diit-díit na pinapadoktan kan mga sakayán su saindang mga ilawan nagtataong tanda nin kabuhayan asin su baybayon
- Saén pinaririlikobkob
- Kan doros su daing girong na mga balod,
- Na sa pangpang sa malumbay na rimokrímok (349).
- Sinda mansana mináhoros nanggayod
