27 Na day mayó nin caipuhan oroaldao, na siring can magña ibang sacerdotes, na magdolot na enot nin magña atang huli can saindang magña casalan, asín pacatapus huli can nagña casálan nin banuáan: huli ta iyan gainibo niya ** sarong panahon sana, na nagdolot siya sa saiya man sana.
28 Huli ta an ley nagguiguibo nin magña sacerdotes sa magña tauong maluluyá; alagad an tataramon nin pagsumpá, pacalibís can ley, ó sa hurí can ley, naguinibo an Aqui, na neguinibong sangcap ó mahusay sagood lamang.
1 Cayá na, an cagabsan can gabos na sinabi iyo: Igua quita nin siring na pontífice na timinucao sa totoo nin trono ó halangcao na tutucauan nin capangyarihan duman sa Calagñitan;
2 Ministro ó pinaniualáan nin si Santuario asin caitong totoong tabernáculo na an Cagurangnan nagpamugtac, asin ta bacong an tano.
3 Háros ta an gabos na pontífice ibinugtac sa pagtao nin magña dolot asin magña atang; nin huli caiyan caipuhan na ini man magcaigua nin cadiquit na icadolot.
4 Cayá gñaní, na con didian baga sa ibabao nin dagú, day pa nangayod maguiguing sacerdote, na igua pa guiraray nin si magna sacerdotes na nagdodolot can magña atang siring sa uatotogon sa ley;
5 Na sinda maguiguing casaysayan asin anino nin magña bagay na magña lagñitnon, siring sa pagcasimbaga sa qui Moisés nin si matatapus-na si tabernáculo: Hiligña, an olay, guibohon mo an gabos na magña bagay siring sa aarogan na ipinahayag sa saymo duman sa buquid.
6 Alagad gňunian naguing orog carahay an saiyang catongdan, huli ta parasorog nin sarong orog carahay na tipan na iyan nahaman sa ibabao nin magña ó huli sa magña orog ca mararahay na magña panugá.
7 Huli ta con itong uaenot naguing mayó nin cuculugñan, totoo na day-na nagpatigayon nin icadua.
