9 Cayá natatadá pa nangayod an sarong capa higñalóan manogňod sa banuáan nin Dios.
10 Háros ta itong liminaog sa saiyang capahigñalóan, siya man nagpahigñaló can saiyang magña guiniguibo, nin siring can Dios sa magña paglalang ó guibo guíbo niya.
11 Maghigñoa nangayod quita na macalaog duman sa capahigñalóan na ito; na day nin siysay nan na sarong maholog sa siring na padara nin pagpanubay ó casumbicalan.
12 Huli ta an tataramon nin Dios bulay asin mapangyari, asin orogpa ca madinolot ó matalasay qui sa gabos na espada na dua an taron: asin na nacacaabot sagcod na mabáac an calag, asin sagcod pa can espíritu, asin can magna pinagsocmolan, asin can magña botoc, asin nacacamid bid can magña caisipan asin can magña pagmauot nin pusó.
13 Asin day mayó nin bagay na linalang na day nahahayag sa atubangñan niya, condi gñani na an gabos na magña bagay anan na magña orocas ó hubá asin magña bucas sa magña matá caito na sa saiya magtatao quita nin cahusayan ó cabilagñan.
14 Cayá gñani, huli ta igua nin sarong daculaon na Pontifice, na nacalaog duman sa calagñitan, si Jesús na áquí nin Dios, papagdanayon niato an satuyang catongdan ó gauégaué.
15 Huli ta day mayó quita nin sarong Pontífice na day. sucat maherac can satuyang magña caluyahan; minsan pinagsugtau sa gabos na bagay siring sa cabaing niato, alagad day mayó nin casalan.
16 Magñagpacaabot nangayod quita sa capanarigan sa trono é alitoctoc nin biyaya, sa pacaabot ó sa pacapagcamit nin pagcaherac, asin sa pacacua nin biyayá manogñod sa maninigong pagsorog.
1 Huli ta an gabos na pontifice, quinua sa magña catanohan ó sa magña tauo, guinibo iyan mapanogñod sa magña tauq dapit caitong manogñod sa Dios, tagñaning magdolot nin magña atang asin magña sacrificios huli can magña casalan:
