15 Háros ta day camo nagcamit can espíritu nin caoripnan na masa pagcatacot camo guiraray ó mamugtac camo guiraray sa pagcatacot; condi nagcamit camo can espíritu nin pagpaniaquia, na huli caiyan nagcucurahao ó nagaapod quita, Abba. Amá.
16 Huli ta an Espíritu man sana nagpapatotoo sa satuyang espíritu na magña áquí quita nin Dios.
17 Asín con baga magña áquí, anan magña parapanonod man; magña parapanonod nin Dios, asin cápua parapanonod ni Cristo; con baga man magtíos quita sa caibahan ó cadamay niya, tagñaning sa caibahan niya pamurauayon quita.
18 Háros ta minatubod aco na totoo na itong sa panahon na ini tinitios, day sucat icacabaing can ó sa camurauayan na madatong na sa satuyá ipapahayag.
19 Háros ta an danay na pagmauot nin magña linalang naghahalat can capahayagan nin magña áquí nin Dios.
20 Huli ta an magña linalang nagcasaracopan can capahamacan ó caratan, bacong sa socol, condi hulí ó dahelan can nagpasacop sa sainda sa paglaom,
21 Na an magña linalang man sana magpapacaligtas sa caorípnan nin carátan sa pacaligtas na mamurauayon nin magña áquí nin Dios.
22 Hulí ta naaaraman niato na an´gabos na magna linalaug nagñag-aagragñay sararó sana, asin sararó sana nasa sa pagñáqui sagcod gñunian.
23 Asin bacong sinda sana, condi cami man sana, na may magna enot na paquinabang nin Espíritu, camí man nagáagragñay sa irarom nin samuyang magña pusó man sana, na naghahalat can pagpaníaquía, na con sa casayuran, an pagtubos can samuyang hauac.
24 Háros ta dian sa paglaon macacaligtas quita; alagad an paglaom na naquiquita, bacong paglaom iyan; háros ta itong naquiquita nin saró, ¿ano an paghahalton pa?
25 Alagad con itong day niato naquiquita hinahalat niato, huli sa pacatios naghahalat quita.
26 Asin siring man sana an Espíritu nagtatabang sa satuyang caluyahan ó caculagñan: háros ta naghahagad quita
