saiya siring sa iyo an Dios, day man nagpasalamat; condi na nagcaralaglag si saindang magña pagisip, asin an daing pacatalastas na pusó ninda diminiclom.
22 Na nagsasabi sindang magña madonong, bago naguin magñá mangmang,
23 Asin na rinibay ninda si camurauayan nin Dios na bacong matutunauón sa cabaing can ladauan nin tauo na matutunauón, asin nin magña gamgam, asin nin magña hayupan na may apat na bitis, patin nín magña hálas.
24 Dahel caiyan man an Dios itinogot sinda sa carigsocan, sa magña paghorot nin saindang magña pusó, malá ta nagcaorolaquitan si saindang nagña hauac sa sainda man sana.
25 Na sinda sinalihidan an catotoohan nin Dios can caputican, na nagsasamba asin naglilingcod sa magña linalang bacong sa Caglalang, na siya pinagoómao sa magña panahon. Auot pa.
26 Huli caini itinogot sinda nin Dios sa magña gaué-gaué na macacasopog; malá ta minsan si saindang magña babae sinalibidan si dating gaué-gaué can gaueng tumang sa cadatihan :
27 Asin siring man sana caiyan na si magña lalaquí, sa pagpabayi ninda can dating gaué sa magña babae, nagpanlaad si saindang magña paghorot sa saínda man sana, na nagpacaguinibo nin magña bagay na marigsoc si magña lalaqui sa cápua lalaquí man sana, asin na nagcamit sinda man sana can bayad na maninigó sa saindang pagcalagalag.
28 Asin huli ta sa sainda baga day mayó nin pacatalastas sa Dios, an Dios itinogot sinda sa sarong pagisip na marígsoc, sa pag-guibo caitong day maninigó,
29 Na magcacatorogob nin gabos na casalan, nin pagsainbayan, nin caracsotan, nin pagcaimot, nin carátan; magña panó nin cauríhan, nin paggagadan sa cápua, nin magña cariribocan, nin magña pagdadayá, nin magña capasaluíban;
30 Magña paralangbad, pararatac, magña nau-ugñis sa Dios, pararauay, magña masumbical, mapalangcauon, paralalang niu carátan, magña masuhay sa magña caganác,
31 Magña lolong, daing magña boot, day nin ugaleng pagcamoot, day nin magña pagculpá, day mayó nin pagcaherac:
