30 Asin pacasabi nia caini, tominindog an hadê, asin an gobernador, asin si Bernice, asin an magña nagtuturucao na cairiba ninda :
31 Asin can pagharalé ninda, na nag-orolay-olay sinda, nagsarabi, An tauong ini day nin anóman na guinibo na manigó sa cagadanan ó sa bilangoan.
32 Asin si Agripa sinabihan si Festo, Mabubutasán cutâna an tauong ini, cun day cutâna naghagad na ipadará qui César.
1 Asin can iguinayác na caming pasacayon pasiring sa Italia, itinaó ninda si Pablo, asin ibá pang magña bilango sa sarong capitán, na gñinagñaranan na Julio sa magña soldado ni Augusto.
2 Asin nagrolonad cami so sarong sacayán na tagá Adrumeto na maglalayag sa magña lugar na magña tampi nin Asia, nagralayag camí, na caibá mi si Aristarco, na taga Macedonia sa Tesalónica.
3 Asin can sominonod na aldao, dominoong camí sa Sidón: sin si Julio, pinahilgñan si Pablo nin marahay na boót, tinogotan sia padumán sa saiyang magña catood, asin acoon nia an saindang magña paglilincod.
4 Asin nagralayag cami magpoón dumán, nagsaracay camí sa caguiriran nin Chipre, huli ta an magña doros songsong sa Samo.
5 Asin can matalaboc mina an dagat na nasa tagñod nin Cilicia asin Pamfilia, dominoong camí sa Mira, ciudad nin Lisia.
6 Asin dumán, nacacuá an capitán nin sarong sacayán na tagá Alejandria, na nagsasacay pasiring sa Italia, ibinugtac nia camí dumán.
7 Asin nagsacay caming luayluay sa balauig na magña aldao, asin sinaquit cami can pagdodoong sa togñod nin Gnido,
