si Felix, na sominimbag, Gñunian maghalê ca gñôna, tará cun magcaiguá acó nin lugar, ipapaapod tacá.
26 Asin naghalat man na dapit caining bagay na tatauán sia nin pirac ni Pablo, caya dayaday na ipinaapod sia, na naquiquipag olay sa saiya.
27 Tará pacalihis nin duang taón, si Felix nasangleán ni Porcio Festo: asin huli ta boót ni Felix na macacuá nin marahay na hoót sa magña judio, pinabayaan nia sa bilangoan si Pablo.
1 Si Festo, gñani, can macalaog na sa provincia pacalihis nin tolong aldao tominucad magpoón sa Cesarea sagcod sa Jerusalem.
2 Asin nagsorombong sa saiya an magña poón nin magña sacerdote, asin an magña cadaraculaan na tauo sa magña judio, tumang qui Pablo, asin naquimaherac sinda saiya,
3 na nagharagad nin carahayan para sa sainda tumang saiya, na sia ipadará sa Jerusalem; asin sinda magbabarantay ta gagadanon sia sa dalan.
4 Tará si Festo sominimbag na si Pablo pinagiigñatan sa Cesarea, asin sia man saná day na mahahaloy paduduman.
5 Caya, gñani, nagsabi, an magña mangyayaring macaibá a saindo homilig sa caiba co; asin cun may anoman na casalan an tauong ini, isombong nindo sia.
6 Asin can nacaontoc na sa sainda na day lomihis sa ualó o sampolong aldao, napadigdi sia sa Cesarea, asin can sominonod na aldao, tominucao sia sa hocomán, nagboót na si Pablo darahon sa saiya.
7 Asin can pagpadigdi nia, linibotan sia can magña judio na naghirilig na halê sa Jerusalem, na may magña darang balaquid asin magagabat na sombong na tumang saiya, na an magña bagay na ini day man ninda mapatotoohan;
8 Nagpapahayag gñani si Pablo can saiyang sadiring pag- andorong, na nagsabi, Tumang sa casogoan nin magña judio,
