37 Asin an duang discipulo can magca-daragñog ninda sia na nagtataram nin siring, nagsoronod qui Jesús.
38 Can pag-ligňoy gñani ni Jesús, asin mahiling na nagso- soronod saiya, nagsabi sainda, Anó an hinahanap nindo? Sinda nagsarabi saiya, Rabbí (na cun tatalastason boót sabihon, Maestro), ¿saén ca pag-oontoc?
39 Sia nagsabi sainda, Madiá camó asin hilignon nindo. Nagduruman gñani, asin nagcahiriling ninda an pinagcontocan; asin nagcauaralat saiya can aldao na iyan: huli ta may á las diez na an oras.
40 Si Andrés, tugang ni Simon Pedro, saro sa dua nin magña nacadagñog qui Juan, asin nagsonod saiya.
41 Ini nasabat gñôna an saiyang tugang na si Simón, asin nagsabi saiya: Nasabat mi an Mesias, (na cun tatalastason, boot sabihon, an Cristo).
42 Asin dinará sia qui Jesús. Si Jesús can hiniling sia, sinabihan: Icá iyo si Simón, áqui ni Jonás; aapodon cang si Cefas (na cun tatalastason si Pedro).*
43 Can caagahan binoót niang paduman sa Galilea; asin can masabat si Felipe, si Jesús nagsabi saiya, Somonod ca sacô.
44 Si Felipe tagá Betsaida, ciudad ni Andrés asin ni Pedro.
45 Nasabat ni Felipe si Natanael, asin nagsabi saiya: Nasabat ni idtong isinurat ni Moisés sa catogonan, asin siring man si magña profeta, si Jesús na tagá Nazaret, áqui ni José.
46 Asin sinabihan sia ni Natanael, ¿Sa Nazaret dao mangyayaring lomuas an anoman na carahayan? Si Felipe nagsabi saiya, Madiá ca asin hiligñon mo.
47 Si Jesús nahiling si Natanael na nagdodoloc sa saiya, asin nagsabi dapit sa saiya. Uya digdi an sarô na totoong Israelita, na sa saiya day nin dayâ.
48 Nagsabi saiya si Natanael, ¿Saén mo acó namimidbid? Si Jesús sominimbag asin sinabihan, Day ca pá inaapod ni Felipe, can nagsisirong ca sa higuera, nahiling ta ca.
49 Si Natanael sinimbag sia: Rabbi, icá iyo an Aqui nin Dios, icá iyo an Hado nin Israel?
* Pedro, cun tatalastason, gapó.
