1 Tará can icacaglimang taón nin si paghade ni Tiberio César, na si Gobernador sa Judea iyo si Poncio Pilato, asin si Herodes iyo si tetrarca sa Galilea, asin si saiyang tugang na si Felipe iyo si tetrarca sa Iturea asin sa provincia nin Traconite, patín si Lisanias iyo si tetrarca sa Abilinia,
2 Na iyo si magña halangcauon na sacerdotes si Anás asin si Caifás, dominatong an tataramon in Cagurangnan sa quí Juan, na aquí ni Zacarías, duman sa capatagan.
3 Asin siya nacadatong sa bilog na daga sa parilibot nin Jordán na naghuhulit can pagpabuniag sa paca pagsolsol manogñod sa capatauaran nin sí magña casalan;
4 Siring sa nasusurat dian sa libro nin magña tataramon nin si profeta Isaías na an olay: Au tigñog caidtong nagaaraguay duman sa capatagan: Andamon nindo an dalan nin Cagurangnan asin guibohon nindo iyan nin matanos na saiyang magña aaguihan.
5 An gabos na caaungan mapapano, asin maghihiriba bû an gabos na bolod patin magña boroboclod; asin si magña dalan na birico magcacataranos, patin si magña dalau na magña lorolonad magcacasararama ó parantay;
6 Asin macacahiling an bilog na laman ó hauac can pagligtas nin Dios.
7 Asin nagsasabi sa magna tauo na nagruruluás ta magpapabuniag sa saiya: ¡Oh capag-araguian nin magña mababagñís na halas, ¿siysay an nagtocdú sa saindo sa pagdulag ó paglicay sa caangotan na madatong?
8 Caya, gomibo nangayod camo, nin magña bugña na maninigó sa paca pagsolsol, asin day sucat camo magpoon na inagsabi sa saindo man sana: Igua cami na bilang Amâ si Abraham; huli ta sinasabihan co camo na an Dios macacahimo, minsan gayod gñani sa magña gapó pang ini, na macapatíndog nin magña áqui cay Abraban.
9 Asin an patoc man na-mumugtac na sa gamot nin magña cahoy caya an gabos nangayod na cahoy na day minatao
