9 Asin can mabulay na sia, na maatab pang gayo can naenot na aldao nin semana, nag-enot magpabiling sia qui Maria Magdalena, na sia pinalnasan nin pitong demonio.
10 Asin ini napadumán, asin idtó ibinaretá nia sa magña naguing cairiba ni Jesús, na sinda na nag-aragragñay asin nagtataragñis.
11 Asin sinda, can madagñog na sia buhay, asin nahiling ni Magdalena, day nagturubod.
12 Pacatapus caining magña bagay, napahayag sia sa ibang bagay sa duá sa sainda, na nagraralacao mapadumán sa omá.
13 Sinda man nagpandurumán asin pigbaretáan an magña ibá tará minsan sa sainda day nagturubod.
14 Asin pacatapus, nagpahiling sia sa cagsaro man saná, na nagturucao sinda sa pagcacan; asin tinuyaó an saindang day pagtubód asin catagasan nin pusò, nin huli ta đay nagturubod sa magña nagpacahiling sa saiya pagcabuhay nia liuat.
15 Asin pigsabihan sinda, Padumán camó sa bilog na quinábán, asin ipaghulit nindo an evangelio sa gabós na linaláng.
16 An magtubod asin maboniagan macacaligtas; tará an day magtubod hohocomán.
17 Asin ining magña tandà magsosonod sa magña minatubod Sa gñaran co magpapaluas sinda nin magña demonio; magtatararam sinda nin magña bagong tataramon;
18 Hahalêon an magña halas asin cun macainom sinda nin anoman na macacagadan, day sinda mararaot; ibubugtac ninda an magna camót sa ibabao nin magña naghehelang, asin magcacaoromayan.
19 An Cagurangnan gñani, pacatapus pagtaram sa sainda, inacò sia sa itaas sa lagñit, asin tuminucao sa toó nin Dios.
20 Asin sinda, nagruluas, naghurulit sa gabos na lugar, nagtatabang an Cagurangnan sa cairiba ninda, asin pinagpapatotoohan an tataramon can magña tandà na nagsosonod. Auot pa.
