Dai pa ipinagbalido an pahinang ini
SAN MARCOS 15.
155
- 7 Asin iguang sarô, na inaapod si Barrabás, na nabibilangô patin si magña saiyang cairiba sa casâlan, na sinda sa caribocan
gominadan nin tauo.
- 8 Asin pagharani can cadaclán, nagpoón magharagad na
mag-quibo siring sa pigcaogalean na guibo sa sainda.
- 9 Asin si Pilato nagsimbag sainda, na sominabi, ¿Boót
nindo na botasán co sa saindo an Hadê nin magña Judio?
- 10 Tará naaaraman nia na huli sa caorihan, an magña poón
nin magña sacerdote itinaó sia, sa saiya.
- 11 Alagad an magña poón nin magña sacerdote pigpasonod
an cadaclán, na hagadon na botasán sa sainda gñóna si Barrabás.
- 12 Asin nagsimbag si Pilato, na sinabihan sinda liuat.
¿Anó an guiguibohon co gñani sa saindong inaapod na Hadê nin magña Judio?
- 13 Asin sinda nagbaralic magcururahao, Ipacô, sia sa crúz.
- 14 Asin si Pilato nagsabi sa sainda, ¿Tádao? ¿anong carâ-
tan na guinibo nia? Alagad sinda nagñagcururahao nin macuri, Ipacô sia sa crúz.
- 15 Caya gñani si Pilato, sa pagpasonô sa banuaan, nagogmá
an cadaclán pigbotasán sa sainda si Barrabás, asin itinaó si
Jesús, pacatapus paghampacá saiya, ta gñaning ipacò sia sa crúz.
- 16 An magña soldado, gñani, pigdarará sia sa laog nin
patio, na iyo an Pretorio; asin pinagtiripon an bilog na pag- iriba.
- 17 Asin piggubigñan sia nin púrpura; asin pacasalapida
can sarong coronang magña tonóc, ibinugtac ini ninda saiya;
- 18 Asin nagporoón na pagtarataracaon sia, Salve, ó lomigtas
ca, Hadê nin magña Judio!
- 19 Asin pigharampac sia sa payó nin sarong cauayan,
asin pigrulutaban sia, asin nagrolohod sinda, na pinagsasamba sia.
- 20 Asin pacamudaha saiya, hinobáan sia can púrpura, asin guinobigñan sia can saiyang gubing. Asin ipinagruluas sia, ta gñaning ipacô sa sia crúz.
