- 27 Asin dagñan man sosogoon an magña ángel, asin
titiponon an saiyang magña pinili guican sa apat na doros, magpoón sa caporo-porohi nin daga sagcod sa caporo-porohi nin lagñit.
- 28 Sa higuera, gñani, maghinonod camo can saiyang halimbauâ Cun an saiyang sagña minalombod, asin nagsosóli nin
magña dahon, sasaboton nindo na an tig-init harani-na;
- 29 Siring man camó, cun mahiling nindo na mangyayarina ining magña bagay, sabota nindo na sia harani-na sa magña
tatá.
- 30 Sa catotoohan sasabihan ta camó, Na day macacalihis
ining capagaraquian na ini sagcod na maotob an gabos.
- 31 An lagñit asin an dagá magpapacalihis: alagad an sacong
magna tataramon day macacalihis.
- 32 Alagad dapit caidtong aldao ó caidtong oras, ni si-isay
man day nin nacacaisi, minsan an magña ángeles sa lagñít, minsan gñani an Aqui, cundi an Amá.
- 33 ¡Maghirigñat camó; magpurucá camó asin pamibí camó:
huli ta day nindo naaaraman cun noarin na panahon !
- 34 Ini siring sa sarong tauo na napadumán sa ibang daga,
na sia, pagbayae can saiyang harong, asin pigtauan nin capangyarihan an saiyang magña oripon, asin sa lambang sarô an saiyang sadiring guibo, pigbôtan man an para-bantay sa tatá na magpucá.
- 35 Magpurucá gñani camó: huli ta day nindo naaaramau
cun noarin madigdi an cagurangnan nin harong, cun sa hapon, ó sa matagñang bangui, ó sa pagtoraoc nin manóc, ó sa caagaban;
- 36 Na tibaad magdigdi sa panalê, madatgñan camó natotorog.
- 37 Asin idtong sa saindo sinasabi co, sa gabos sinasabi co
man, Magpurucá camó!
