Daing pacaaram inihong Principe
ta an olay gayod daing nacaisi
tolos nagbalic sa eroc na dati
cadtong ortelano caiyan mismong bangui
Di napaontoc an maogmang rosas
nariboc na gayo sentidos potencias
labing pagcamoot an puso linugad
sa carcel del amor dai pinahiuas
Magpoon caidto nagtadom na tunay
sa bilog na puso nin Infantang mahal`
an saiyang isip daing canoltolan
ano man guibohon daing nanódan
Caya an inolay sagcod noarin man
mantang may amor ca sacong namamasdan
ica an nagtao caining caháditan
ica man an ogma na pinaglalaoman
Sa saimo lamang nabiyong totoo
an bilog cong isip guiromdom saimo
ihanda mo na man an puso boot mo
ta sacong tatamnan can pagcamoot co
Madaleng osipon can quinaagahan
oras nin almuerzo nin Infanta g mahal
an pinto nin celda saiyang binocsan
saca tominucao sa catreng higdaan
Di caaram-aram na can domatong ca
dara nin criadong pamahauan nia
nagcacan nin diquit mabining Infanta
saca sinabihan idtohong nagdara
Gñonian darhon mo ining pamahauan
sa ortelanong harong ihatod mo duman
asin itao mo sa pobreng màgurang
na sarong lugadon macaheherac man
Sabihon mong acong iyong napadra
cacanon ma ini pigbagña ming dua
caya paduman na tatánáuon taca
mientras nagcacacan bantayan mo sia
