Ta dai nin ibang poon o dahelan
caining s kit co tinios gñonian
condi isinobol amang namomotan
ining pagcamoot di co mag-aaram
Magña pagcamoot bayaan ta gnona
ining mangyayari an sasabihon co pa
principe Don Juan firmeng naagagha
ta an pagcamoot iyong nagdadara
Aso sarong bangui na catoninognan
nag duman sa bobon an principeng mahal
sia nacarigos tibaad pa lamang
gominhauang dikit idtong cainitan
Curucublit nia hinuba sa hawac
naglabto sa tubig caidtohong oras
an isip nia daing nacatalastas
huli ta madiclom an banguing dishoras
An Infanta palan nasa balcon caiyan
huling mahurasa idtong cabanguihan
nacanagbo nangad saiyang namasdan
idtong pagcarigos principe Don Juan
An boot an puso nia naguilantas
digdi sa nakitang macagnalasgnalas
na baga bitoon orog cabanaag
sa diclom nin bangui nagtaong liuanag
Sa sadiring isip an sinabi nia
tibaad con ini igua nin promesa
nagpapacaducha can hauac nia
nagsasaguinsaguin magurang na sia
Maputi an color siring sa bugasi
liuanag nin aldao an cabaing gnani
an hiniróhiró baga dugong pili
na siring sa saco sa aguilang aki
Tolos hominauas ini si Don Juan
idtong curucublit isinolot naman
inihong Ifanta sia pinagmasdan
huli sa naquita na caliuanagan
