Anot pa man logod na pigamponon ca
can simong catambay angel de la guardia
sa biglang pagsubang torohoc nin mata
naguin caragnahan cordial sa dusa
Ikinaguinhaua nia may casakitan
ining pagdoloc mo sa sacong higdaan
an sarong diamanteng panong cagayonan
di ikinaati ining camogtacan
Boot nin Infanta totoong namongnan
sa galang na siring voces na nagsaysay
daog pa si Marteng panong cagayonan
respetong guinamit na totoong leal
Sa bagay na idto pinagrimpos sana
sa puso nia asin ta napaaram na
ining ortelano pinagsabihan pa
ini an iaolay na togon saiya
Icang tatao na naman ortelano
olay nin Infanta paaram saindo
digdi sa laguerta boloug hanapon mo
an pobreng magurang bogtaking rimedio
Saca hominale Infantang maboot
p so nin Principe dai napaoatoc
sa aldao sa bangui daing pagcatorog
pagcamoot nia sa daghan rinimpos
Ay! sacuyang palad sain masagcod ca
nin magna pagtios macuring horasa
maraot na signos o salang planeta
sa capua palad na papalaen ca
Fortunang magayon ta minadoloc na
sa bacong panahon magtios ca gnona
ay Infantang poon Dña. Floserfida
anong guiguibohon con bacong palad ca
Ay ama cong poon an caangotan mo
iyong guinicanan caining sakit co
itogot man logod nin Dios Eterno
sa sacó pacamtan an capatauaran mo
