Novena sa mahal na lalaogon ni Jesús na iguinagilang sa santuario nin Nuestra Señora de Peña de Francia sa Nueva Cáceres
(Imahe)
na natatala sa qui Veronicang paño.
NOVENA
SA MAHÁL NA
LALAOGON NI JESÚS
NA IGUINAGALANG SA SANTUARIO
NIN NUESTRA SEÑORA DE PEÑA DE FRANCIA
SA NUEVA CÀCERES.
GUINIBO SA BICOL NI
D. José María Leza,
Secretario de Cámara y Gobierno,
ASIN PROMOTOR FISCAL CAN TRIBUNAL ECLESIÁSTICO
NIN SINABI NANG NUEVA CÁCERES.
ICATLONG PAGPALAGDÁAN.
ITINOGOT NIN POON.
NUEVA CÁCERES
1892
Librería Mariana
NI
Mariano Perfecto
Chofré y Comp
An Ilmo. asin Rmo. Sr. Obispo caining Nueva Cáceres, D. Fr. Casimiro Herrero, nagtogot nin apat na polong aldao na indulgencia sa gabos na sacop nia na magnovena sa daculang devoción asin caoropan: sa balang aldao macacamtan ining indulgencia.
An Ilmo. asin Rmo. Sr. D. Fr. Arsenio Campo y Monasterio, canigoan na gayong obispo sa Nueva Cáceres, timinogot nin apat na polong aldao na indulgencia man sa balang macasarong pagpag̃nadic caining Novena.—1.° Agosto 1892. MediaWiki:Proofreadpage pagenum template
dapit sa guinicanan can ladauan nin
MAHAL NA LALAOGON NI JESÚS.
SA banuaan nin Osa de la Vega, Obispado
nin Cuenca sa España, sa simbahan nin saiyang
Párroquia may sarong Capilla, sa Capilla may
sarong altar na pinaoorog caidtong mag̃na
taga duman, nabibibtinan nin mag̃na exvotos,
asin pinacayaman nin dacol na mag̃na indulgencias.
Sa altar na iyan namomogtac an
sarong estampa nin Lalaogon ni Jesús na natalá
sa pañong bitbit ni Verónica, natatahoban
nin sarong cortina na day nabubucas nin si
isay man na bacong mag̃na Sacerdotes na may
sobrepelliz asin estola, pacasolò nin duang candilâ
sa sinabi nang altar, huli ta binogtacan
nin excomunión an pagbucas na bacong sonó
sa sinabi nang pagboot.
Day naaaraman con sain ipininta ining estampa; igua nin nagsasabi na halê sa Roma: an nasiasat sana iyo, ining ladauan minána MediaWiki:Proofreadpage pagenum templateni Isabel del Corral y Matilla, agom ni Gregorio de la Torre, mag̃na taga Osa de la Vega sa sarong pinsan niang Padî na an g̃naran D. Juan Matilla.
An dahelan nin pagdarha sa Simbahan an gagalag̃nan na ladauan iyo an pagganotang macatlo nin tubig asin dugô sa atubag̃nan nin cadaclan na mag̃na tauo malâ ta guinibohan nin diligencias na sinompâan caidtong cadaclan na nacahiling nin si g̃nag̃nalasan, asin ta sagcod g̃nonian napipintoan sa Sagrario nin Capilla an mag̃na corporales na natomtom caidtong gànot, patin ibenebendición nin Sr. Obispo, con navisita duman sa banuaan.
Pacabugtacan sa altar, sarisari an mag̃na g̃nag̃nalasan, na guinibo caining ladauan; alagad orog nang gayo an saiyang pag-ampon sa Osa de la Vega na nacalicay sa cólera-morbo na naglacao sa España, can mag̃na taon na 1834, 1854, 1855 asin 1865, na mayó duman nin nagadan sa helang minsan pinagririlibotan can mag̃na pagtaraid na banuaan na inaguihan can damat.
Sa mag̃na estampang guican sa Osa de la Vega hinoad an namumugtac sa altar tampi nin Evángelio sa Santuario nin Nuestra Señora de Peña de Francia, sadiri nin Sr. Licenciado D. Pedro de la Torre y del Pozo, Provisor MediaWiki:Proofreadpage pagenum templateasin Vicario general nin Ilmo. Sr. D. Fr. Casimiro Herrero, Obispo caining Nueva Cáceres.
Can 26 de Agosto nin timinalicod na taon 1882, nin si madag̃nog na an cólera-morbo na sa Manila, sa paghagad sa Lag̃nit na ilicay ining banuaan, nagboot an Ilmo. Sr. Herrero na darhon sa Catedral an milagrosang ladauan nin Nuestra Señora de Peña de Francia, na ipinagprocesion halê sa saiyang Santuario, sa caagahan caidto man sanang aldao, inibahan nin dacol na mag̃na tauo. Pinasabg̃nan caidto man sana an Sr. Provisor de la Torre, taga Osa de la Vega, na ipamidbid an pag-ampon sa cólera-morbo nin mahal na Lalaogon ni Jesús, na tinotubod nin saiyang mag̃na cahimanua, cayâ ipinabugtac sa altar nin Catedral an estampa nin mahal na Lalaogon ni Jesús na saiyang sadiri. Liminaog an peste sa banuaan, an mag̃na sacerdotes pacamasid na macusog an pangadan nanugá na pagpifiestahan an mahal na ladauan sa saiyang caaldauan, Domingong minasonod sa Pagcamundag ni Santa María, con cumulpâ an peste [1]. Hininaniog nin maMediaWiki:Proofreadpage pagenum templateugayon na Jesús an pag-agrag̃nay nin saiyang mag̃na ministros, inotob an panugâ, asin pagpulian an ladauan nin Nuestra Señora de Peña de Francia, can 29 de Setiembreng hapon, iniba na an ladauan nin mahal na Lalaogon ni Jesús, na itinao nang padagos nin cagsadiri saiya, ibinogtac sa altar nin Evángelio can Santuario, itinalàan an aldao na Viérnes sa paggalang saiya, patin an minasonod na Domingo sa Pagcamundag ni Santa María iyo an saiyang cafiestahan siring sa Osa de la Vega. An labâ caining estampa 61 centímetros, an lacbang 47 centímetros, na sa cuadro ó marco dorado.
Auot pa logod na ining Novena macapagpalaad can mag̃na puso sa pagcamoot sa mahal niatong Paratubos asin sa pagdevoción sa saiyang mahal na Lalaogon, g̃naning bacô sanang maglicay sa mag̃na banuaan sa mag̃na carâtan sa quinaban, condi matorohocan niatô duman sa saiyang camurauayan.
- ↑ An panugá nin mag̃na Sacerdotes caining Nueva Cáceres isinurat sa papel sello tercero, finirmahan nin Sr. Obispo asin ninda gabos, ibinogtac sa andas nin ladauan, can cafiestahan sa pag-otob nin panugá, sindang mag̃na firmantes iyo an nagborolig can procesion sa patio nin Catedral, patin pacabogtacan sa Santuario an ladauan ipinadara au papel sa Osa de la Vega inibanhan nin limos.
SEÑOR: Sa atubağnan nin sa imong altar minalohod aco sa daculang capacumbabaan; day aco nağnağnahas na tomorohoc sa imo, ta inaabtan aco nin daculang sopog, huling an sacong mağna sala iyo an naglaglag caidtong dati mong cagayonan na pinagtac-han canmağna aquí nin mağna tauo. Laen pa caini, inaabtan aco nin daculang lipoğnao con naguiguiromdoman co idtong panahon na ipigpamidbid mo can sa imong pag-ampon samuyá, nin si binibiclad nin cagadanan an saiyang maMediaWiki:Proofreadpage pagenum templateitom na pacpac na naglayog sa mağna
harong caining banuaan, panahon na
nacacapatağnis sa mağna balo asin mağna ilo, sa mağna mayaman patin mağna duc-hâ. Masólit nang santaon, asin
ta caipohan na midbiron ining utang
niamong boot, na papagdagdagon an
mağna minagalang asin minasamba sa
imo, patin papagdanayon sagcod sa mağna huring aldao ining nagpopoon na
devoción sa imo, tağnaning ica man manibantay man padagos caining samong
banuaan, na day mo palaogon an dadaracol na carâtan na sa gabos nacacatacdal, orog nang gayo an macağniğnirhat
na helang nin cólera. Sa pacatabang co
sa iba asin sa orog na icaoomao sa imo,
idinodolot co ining buğna nin sacong
gânot; day mo hilğnon, Jesús co, an
halaga condi an capaneròan sa boot nin
sa imong oripon na minahadoc sa dagá
na natitindogan nin sa imong altar.
Nueva Cáceres 1. de Septiembre de 1883.
MediaWiki:Proofreadpage pagenum template
Sa gabos na panahon maguiguibo ining Novena, alagad an orog carahay iyo an siam na aldao na nagnegnenot sa Domingong minasonod sa 8 nin Septiembre, ta iyo an cafiestahan can mahal na Lalaogon: An paagui iyo ini
Pacapağnadie nin santo Rosario ipasonô an Pagsolsol asin paggalang sa mahal na Lalaogon: isonod na basahon an Pamíbi na nanonognod sa balang aldao; ipasonô naman an Pamibi sa gabos na aldao patin tapuson can GOZOS ó DALIT.
An day macanovena sa Simbahan, macacapagnovena sa harong sa atubağnan nin sarong estampa can mahal na Lalaogon, ó con mayong estampa minsan sa atubang nin sarong Crucifijo. MediaWiki:Proofreadpage pagenum templateIpinaghahatol an pagcompisal asin pagcomulgar, tagnaning tiuasay an paghagad sa mahal na Lalaogon can bugna ó carahayan na minamauot.
Pagpiritan man na magguibo nin tibaad nang cabanalan, arog baga can paglimos, pagguiao sa magna naghehelang ó pagtíos sa rogaring na cabótan nin tibaad nang saquit Indi saiya, iparníbi an pacabalagnibog nin santa Fé patín pacahalé nin magna herejías MediaWiki:Proofreadpage pagenum templateMahamison cong Jesús, huli can saimong daing siring na carahayan iquinacocolog nin sacong pusô an pagcasalâ co sa imo, asin naghoholao aco, sa pagtabang nin saimong mahal na gracia, na marahay pang magadan day lamang magcasalâ.
Sinasamba ta ca, mahal na Lalaogon nin sacong Paratubos, na huli sacuyá naghig̃nalô sa tatamnan nin mag̃na olivas, na hinadcan sa pagpasaloib nin malóbong Judas, na tinampal, linutaban patin pinagbasag̃nan sa Jerusalem, nadampolan nin dugó asin cabocabó, patin pinag-olog-olog sa Cruz sa alitoctoc nin Calvario. Nagg̃nag̃nayóg̃nayó aco, gagalag̃nan na Lalaogon, na day ta ca logod malig̃nauan MediaWiki:Proofreadpage pagenum templateg̃nonian na buhay pa aco, na saimo mapanog̃nod an huri cong guinhaua sa pagcagadan, patín mahiling ta ca sagcod noarin pa man. duman sa lag̃nit. Auot pa.
¡Oh, mamomóton asin matinios na Jesús! bió ca na sanang pagcamoot asin pagcaherac sa tauo, na sa pagtubos sa iya bacô sanang minarhay mo na mamondag cang duc-hâ asin garo sarong basangbasang na tauo, na paghanáp-hanapón ca sa paggadan saimo, na domolag sa sadiring banuaan patin magtios nin mag̃na saquit, iba pang mag̃na capaitan sagcod can Aquí ca pang sadang, condi pagpoon mo nin pag-otob can simong tinuyo sa dagâ, na iyo an pagbolong sa tauo, tuminalagá ca nangad sa pagtios asin pagpahonod can rogaring mong boot. Nagtios ca, Diosnon na Mártir, huli sa saimong mag̃na caiual na nag̃nagtogdas nin laenlaen na pagpacararaot sa saimo, nagtios ca man huli sa saimong mag̃na discípulo na dati mong caibaiba. Alagad ¿si isay dao an macacarorop can saimong tinios ninsi pacalalag̃na mo an Sacramento nin pagcamoot, nagpaaram ca sa simong mag̃na discípulo MediaWiki:Proofreadpage pagenum templatepasiring duman sa tatamnan nin mag̃na oliva, sa pag-andam nin pagcagadan? ¡Ah, gagalag̃nan cong Paratubos! duman sa Getsemaní pinaghihiling co an saimong daculang camahalan na nacadapâ sá dagâ, tinataquigan an simong tig̃nog, nanlongsî an lalaogon, asin napapanó nin calipog̃nauan an saimong calág. ¿Ano dao an dahelan, Paratubos co? Ta nasamata mo na an caliz nin simong mag̃na saquit, an caliz na lalagan can casâlan niamô gabos. Boot mo na ica an matondagan can mag̃na dusa na manonog̃nod sa samong mag̃na sala, ica an mapaólî can boot nin Amang naangot sa mag̃na sumbicalan na aquí, nagagadan cang duc-hâ sa pagpayaman samuya, nagagadan ca sa caluyahan sa pagtao samó nin cosog. !Oh, Dios co, abang pait na camondoan an minatagob sa saimong puso! Nababarang mong gayo an mag̃na carâtan na nacacalacop sa dagâ, nagaamomong sa saimong talig̃na an mag̃na paglanghad nin mag̃na tauo na saimong tutubson, asin ini gabos nacacadagdag can simong camondoan. Sain mo man ibiric an saimong mata, day na nin nahihiling condi macag̃nig̃nirhat na mag̃na bagay. Con minatingcalag ca sa lag̃nit nahihiling mo an taquiag nin Macacamhan sa gabos na naghihig̃nat sa saimong payó: con minahorohod ca MediaWiki:Proofreadpage pagenum template sa infierno naquiquita mo an cadaclan nin magna condenado sa gabos na panahon; con minasalimbad sa dagâ naquiquita an carâtan nin magna tauo. Caidto man sana saròsaróng pighihiling mo an magna aaguihan na saquit; an magna verdugo na matampalasan sa saimong hauac, an magna pising igagacod saimo, an Calvario, an Cruz, an mgna tonoc, an magna sontoc asin tampal na aacoon mo, sagcod caidtong garod na mabinsol can saimong day nang pacamateng bangcay. Sa pagcasararó caining magna pag-isip day aco naggnagnalas na matacdal an saimong guinhaua, Jesús co, na matağnis cang daing carağnahan, asin sa simong pagsilocsigoc macaagrağnay ca: Namomondo an sacong calag, patin mamíbî cang day painomon caidtong mapait na caliz, bastang sa cabòtan guiraray nin simong Ama. Alagad ¿ano iyan, Jesús co? Pinanluluya ca, napupucan asin guinagànot ca nin dugo; an Lalaogon mo namumula, sa bilog mong hauac nagtotoro an gànot na may salac na dugo sagcod sa daga, na con magcatiripon magsosolog. MediaWiki:Proofreadpage pagenum templateOmontoc nin cadiquit, horophoropon an binasa, dag̃nan isonod ining
Mahamison na Lalaogon ni Jesús, uya acong natalaga sa pagsonod sa dalan na saimong inaguihan, ibanhi aco guiraray sa mapagalon na pagbaclay digdi sa buhay na ini. Darha aco sa Getsemaní, na iyo an mag̃na saquit asin camondoan. Pagtag̃nisan co logod dian sa cataed mo an sacong mag̃na casâlan, asin mantang iguinànot mo an simong malinig na dugô, maniduang burabod man logod nin luhâ an sacong mag̃na mata na icahugas co can sacong carâtan. ¡Oh Diosnon na Lalaogon! huli can panluyáha ca, pacabanalá an mag̃na paggànot cong magcacanigong dusahan, pahira an gànot cong may salâ, asin painita an malipot cong gànot sa oras nin pagcagadan. Mahal na Lalaogon, guiboha na an simong camondôan manisacong caogmahan, an sîmong pamibí sacong sasarigan, an pagluyaha ca sacong paamponan, an simong paquilaban sacong cacosogan, tag̃naning mahiling ta ca sa Lag̃nit sagcod noarin pa, man. Auot pa.
Mag̃nadiê nin limang Ama niamò, limang Tara Cagurangnan María asin limang Pag-omauon. Omontoc nin cadiquit g̃naning hagaron MediaWiki:Proofreadpage pagenum template nin manarôsaró an carahayan na minamauot sa pag̃novena, dag̃nan ipasoró ining
Mahamison asin mabooton na Lalaogon, Amang parabolong asin parasorog sa Osa de la Vega. Ica an sacong linalaoman asin sacong paalauan. Sa saimo ibinibiric co an sacong mag̃na mata, sa saimo idinodolot co an mag̃na pagg̃nayóg̃nayò, sa saimo ipinamomogtac co an sacong mag̃na pag-isip, tataramon asin guibo. Acôa an sacong paggalang patin calodocan na namatê co sa paghorophorop can simong mag̃na saquit, ta idinodolot co huli na lamang can cadaculâan can simong pagtios dahil sa sacó. Paghadê, gagalang̃nan na Lalaogon, sa sacong pusô, asin papaglaada nin pagcamoot saimo. Italà mo sa calag co an simong ladauan tag̃naning mamoot guiraray sa imo, patin day na magcasalâ sagcod. Pacosoga, Diosnon na Lalaogon, an sacong caluyahan, tag̃naning macapagbayad aco can sacong mag̃na salâ, macapagtumang sa mag̃na sogot, asin macacua can naiipohan na cabanalan. Paliuanagui an isip co sa mag̃na guinagayac na guibo, taui aco nin pacatios sa mag̃na casaquitan, caisogan nin boot sa mag̃na pag-alaman, caoropan sa pag-otob nin mag̃na catongdan, patin pagdanay sa mag̃na MediaWiki:Proofreadpage pagenum templatemarahay na pagholao. Pacosoga aco tag̃naning macadaog can mag̃na bacong matanos na pagmauot, macaotob can simong mag̃na togon asin mapalag̃nit aco. Mamomôton na Lalaogon, agáua an simong Banuaan, ampona an mag̃na Devotos asin an mag̃na nananarig saimo, tag̃naning omauon ca, galag̃nan, patin mamótan sagcod noarin pa man. Auot pa.
¡Oh, mamomôton na Jesús! Sa balang agui-agui nin saimong pagtios nahihiling an daing tapus na pagcamoot mo sa tauo. Sain man nacucúa an tandâ nin carahayan na daing casama asin pagcaherac na day nin socol. Casoodmâ pinaghihiling mi ica na pinanluluya sa Getsemani, napaparigosan nin gânot na may dugô, asin nag̃nag̃nacong ominom can mabalding cáliz nin pagsaquit; g̃nonian pinagg̃nag̃nalasan mi an isog nin saimong boot na nagsasadiri cang magdalagan sa pagcagadan. Totoong gayo, Jesús co, caidto nagdudulag ca sa mag̃na pagomao nin simong mag̃na dayopot na catood, g̃nonian nananalao ca sa saimong mag̃na caiual: caidto, sa pagsicual mo nin sarong trono sa MediaWiki:Proofreadpage pagenum templatedagâ, nagtagô ca sa mag̃na cadlagan, g̃nonian na isi mong pigaandaman ca can pinacang tronong sarong bitayan simo cadtong malôbong banuaan, minasabat ca sa mg̃na boot na pomacô sa imo. ¿Ano an cahologan caini, Paratubos co? ¡Ah! aram co na day magcacanigó sa camahalan nin simong pagtios na padaleon ca sanang dacpon sa tahao nin mag̃na pag-ogma asin sa tahao nin simong mag̃na namomôtan, ta sisingon na caiyan, na an simong pagtios sa pirit sana. Cayâ nagrogaring cang magdalagan sa pagtios na saimong pinag̃nacôan. Cayâ pacapamíbí mo sa Getsemaní, tominindog ca asin nagsabi sa mag̃na Apóstoles: Sabatá niatô, ta uya na an mabugtac sacô sa camot nin mag̃na caiual. Pinaghihiling ta ca na, Dios asin Cagurangnan co, sa atubag̃nan ni Judas na namomoon caidtong mag̃na madacop sa imo, na may mag̃na darang pamacol, espada asin garod: pinaghihiling co, na idtong lolong na discípulo saguin minacogos, asin minahadoc sa imo patin minataong galang nin siring: Pagherotan ca nin Dios, ¡oh, Maestro! Pinaghihiling co, na idtong mag̃na madacop sa imo nagcapurucan, asin day nagpacatindog con day mo cabôtan; na pinaggagapos ca nin daracol na pisî, asin caibahan an mag̃na pagrauay, patin pag-olog-olog man, na dinadara ca MediaWiki:Proofreadpage pagenum templatesa mag̃na tribunal. ¡Oh, Jesús co! ¿ano ta itinogot mong hadcan nin mag̃na palpal na g̃nabil iyan malinig mong Lalaogon na pinag̃nag̃nalang-alag̃nan g̃nani na hadcan nin mabinîon mong Ina? ¿Ano ta binabayâan mong dôtan can camandag nin pagpasaloib iyan g̃nosô mong macauiuili na pano nin catotoohan asin pagcaherac? ¡Oh carahayan ni Jesús! naoog̃nisan co an pagpasaloib ni Judas; alagad ¡ugay co! ¡macapira dao ipinababacal co an sacong conciencia sa sarong gogom na bulauan, sa mag̃na basang sanang pag-omao, sa mag̃na dustang caogmahan! Gñinaranan mo, Jesús co, na catood mo idtong lolong na discípulo, nagpahadoc ca pa saiya, asin ¡nagbabalos pa aco sa mag̃na nagpapacaraot sacô!
Omontoc nin cadiquit asin horophoropon an binasa, dag̃nan isonod ining
¡Mamomôton na Lalaogon ni Jesús! Nalohod aco sa saimong mahal na atubang asin nagg̃nag̃nayôg̃nayô na day mo itogot na pacapoon co nin marhay siring qui Judas, mapacaraot acong arog saiya g̃napit. ¡Oh Dios co! an Diosnon mong paghadoc, iyan hag̃nao na igô nang macaronot sa masumbical, matalâ man logod sa sacong ag̃nog, g̃naning day co na oliton an MediaWiki:Proofreadpage pagenum templateguinibo ni Judas nin sacong mag̃na sacrilegio patin mag̃na paglapas. Cagurangnan, na tinagalan mo an pagpasaloib ni Judas, guiboha na macaarog aco sa imo sa pagcamoot sa sacong mag̃na caiual. Tâuan sacô, mahamison na Lalaogon, an pacatios, amaca sa pusô co an calayo nin pagcamoot, tag̃naning mamôtan ta ca digdi sa buhay na ini asin matorohocan ta ca duman sa icadua. Auot pa.
¿Ano iyan, maheheracon na Paratubos co?
Day pa nahahaloy sinasabat ca pa sana nin
mag̃na taga Jerusalem sa daculang caogmahan
na nag-aauit nin hossanna, asin g̃nonian nagagapus cang panó nin camudahan, dinadara ca
sa mag̃na tribunal. ¡Oh, namomôtan cong Jesús! Ica isinosombong sa mag̃na hocom huli
can simong pagca-Santo; alagad ¿ano an sacong naquiquita? ¡Ay, Jesús co! naquiquita co an camot nin sarong dustang oripon na minasoquiti
sa imo, oh Aquî nin Dios. ¡Oh cabag̃nisan! Sa
simbag na madonong nin sacong Paratubos,
sarong oripon nag̃nahás na bumuat saiya nin
camot, sinopog sa tahao nin cadaclan. ¡Oh
mag̃na hocom, oh mag̃na verdugo, masopog
camo! ¡Iyan Lalaogon na, sa atubang nia, MediaWiki:Proofreadpage pagenum templatenatutunao siring sa taro an mag̃na buquid;
iyan Lalaogon na panô nin cagayonan na sa
paggalang tinatahoban nin mag̃na Serafines can
saindang pacpac an saindang lalaogon; iyan
Lalaogon na mapataniog g̃napit can bilog
na quinâban, pinadugó nin sarong mabag̃nis na soquiti! Anong guinibo mo, Jesús
co, sa siring na pagsopog sa imo? ¡Ah!
an sa imong pagtios asin pagcahoyó labi pa
sa gabos na mag̃na pagsopog, patin an sa
imong g̃nosô day nabucá condi sa pagsimbag:
Con maraot an itinaram co, ipahiling con tadao ta siring; alagad con bacô ¿ano ta quinocolgan mo aco? ¡Oh Dios co! nasosopog
aco, ¿mayo ca na nin ibang tataramon na icasasabi sa nagbasang sa imo? ¡Oh pagtocdô sa
cahalangcauan nin sacong boot! Pinapagpadanay mo an saimong pagcahoyô sa oras na
idto sa pagtocdô sacô nin pagbárî can sacong
pagpalangcao, asin tag̃naning magcamérito aco
sa mag̃na oras na garo babaacon an sacong
daghan nin caangotan, ano man casadang na
casopogan an acôon co. Icapapahiling mo cutána an simong capangyarihan, con ipinahamil
nin dagâ idtong daing ogaling oripon; alagad ta minarhay mong tocdóan aco nin pacatios
na nacacadaog sa quinâban.
MediaWiki:Proofreadpage pagenum templateOmontoc nin cadiquit, horophoropon an binasa, dag̃nan isonod an
¡Oh Diosnon na Lalaogon, panalmig̃nan nin mag̃na Angeles! boot cong isalac an sacong mag̃na luha sa dugo na pinabolos sa simong benditong g̃nosô caidtong mabag̃nis na soquiti. Ohô, aco an dahelan caiyan casopogan mo: tádoc sa puso co an cadaculâan nin simong padara, poon g̃nonian isinisicual co an mag̃na calang cauan asin pag-angot. Day mo sagcod itogot, Santong Lalaogon, na aco magbalos ni sarong pagmuda. Tâui aco nin gracia sa pagdanay sa siring na pagholao, patin matios co man logod an anoman na pagmuda ó pagsopog. Italá mo sa sacong calág an padara nin pacatios na ipinahiling mo, tag̃naning masosog co an guirà nin simong pagsaquit, asin matorohocan co iyan mahal na Lalaogon na panó nin camurauayan duman sa lagnit. Auot pa.
¡Oh Diosnon na Nazareno! ¿diatâ an catiriponan nin mag̃na madonong, asin an sarong malôbong hocom nagcaoroyon na ica magcacaMediaWiki:Proofreadpage pagenum templatenigong gadanon? ¿Asin ano, Jesús co, ta con an gabos na may salâ pinaquiquimánohan, ica na day nin sala, icang Santo, pinalalaen logod na day pinaquiquimânohan, atà pinagbabasag̃nan asin sinosopog? Alagad, ¡anong pagbasang-basang ini, Dios co! Pinaglulutaban ca sa sa imong banal na Lalaogon, inaagtag̃nan, dag̃nan sinosoquiti, asin caiba an riboribong paglanghad pinaglolohodlohodan, saca sinasabihan: Tôdi, con si isay an nagcolog sa imo. ¡Oh caladman nin pacatios, nin capacumbabâan asin pagcamoot sa mag̃na tauo! Boot cong roropon ining misterio, asin hinônodan an hinuhulit mo sacó. Tinios mo, Diosnon na Mártir, an atî nin mag̃na lutab sa simong matubis na Lalaogon, ta naiipohan ining bolong can samong pagpalangcao nin boot, asin sa siring na halaga nagcaipong patindogon an capacumbabâan. Itinogot mong agtag̃nan ca, na idto bacong sa pagcaherac siring can guiniguibo sa mag̃na bibitáyon, condî sa pagdagdag nin subá sa mag̃na pagtampalasan sa imo, ta boot mong bayaran an pagsamba sa mag̃na diosdios na may matá, alagad day nacacahiling; an pagtogdas nin sarong Dios na day g̃nanî nag-aaram-aram lamang can mag̃na bagay digdi sa dagâ, an herejía na nagpapatubod na sa Santa Iglesia mayô an catotoohan; an casàlan na hinahaman garo baga MediaWiki:Proofreadpage pagenum templatesa day nahihiling nin Dios. Binayàan mong paglohodlohodan ca asin pagsabihan: Tôdi, con si isay an nagcolog sa imo, sa pagtocdó samó, na con an tauo an napasaquít, acôon mi an padusa na samó magcacanigô. Sa catapusan, tinagalan mo caidtong malangcag na bangui, sa tahao nin mag̃na pagtampalasan sa imo, an mag̃na pagmuda, paglanghad sa paghinimbang can cadaclan na mag̃na caràtan na nangyayari sa mag̃na cadicloman, mag̃na pag-orolay sa maraot na nágcacaharaman, mag̃na pag̃nâbon, mag̃na paggadan, asin sa pagpahamis man can mag̃na mamondong pagpocá nin naghehelang sa saiyang higdaan na pinaghihig̃nalôan.
Omontoc nin cadiquit, horophoropon an binasa, dag̃nan isonod ining
¡Oh, gagalag̃nan na Lalaogon ni Jesús! Aco an nagtampalasan sa imo balang pagcacasalà co: aco an nagtatahob can simong mag̃na matá sa pag-ologolog balang pagcasalà co sa cadicloman nin banggui: aco an naglutab sa imo con day co pinopogolan an mag̃na maraot na pagmauot, con binobotsan co an sacong dilà sa mag̃na marigsoc na tataramon asin macag̃nig̃nirhat na paglanghad. ¡Oh Diosnon na Lalaogon! hari ca pagtágô sa sacong matá minMediaWiki:Proofreadpage pagenum templatesan totoo rinatacan asin tinampalasanan nin sacong mag̃na salâ. Guiboha, na poon g̃nonian sagcod acong mautsan day co paglimanlimanan an pag-isip na nasa atubang mo aco. Palomoya, mahamison na Lalaogon, an catagasan nin sacong pusô. Nagg̃nag̃nayôg̃nayô aco na, huli caidtong macasosopog na agtang nadinara mo, haleon mo an lipód sa sacong matá, paràon mo an mag̃na padayà nin rogaring cong isip asin tagôon mo sacó an tibaad nang mani dahelan nin pagcasálà. ¡Oh Diosnon na Lalaogon! ioontoc co na an pagcasalà: boot ta. cang mamôtan sa buhay na ini tag̃naning magcanigó acong macahiling sa imo duman sa lag̃nit sagcod noarin pa man. Auot pa.
¡Oh, mamomôton asin maboot na Jesús! ¿Si isay an macacasocol can calacbag̃nan asin cararoman nin simong mag̃na casaquitan? ¿Si isay an macacabilang can gabos na mag̃na pagtampalasan, pagmuda asin capaitan na ininom mo sa cáliz nin saimong pagsaquit? Cadiquit pa idtong panluyaha ca sa Getsemaní, na ipabacal, na ibugtac ca sa camot nin simong mag̃na caiual, na pagbuatán ca nin camot, panôon nin lutab, agtag̃nan ta pinagcauatan nin mag̃na daing MediaWiki:Proofreadpage pagenum templateogaleng soldados, asin day midbiron cang payó nin simong mag̃na discípulos, nin sarong catood na natatacot maaraman. Hayocong pa na an enot na mag̃na sombong simo na dinara sa tribunal ni Pilato bacong matanos asin biong caputican; na pinaghonàhona cang rog̃nao ni Herodes, patin hagaron cang gadanon nin cadaclan, na ipihin sa sarong paralibon, sa qui Barrabás. Cadiquit pa, sa pagmauot mo nin pagsaquit, an pagtios nin hampac na padusang palpal huli ta bacong matanos an sentencia, macasosopog huli ta hinohobâan, asin mabag̃nis huli sa colog can pagdátâ sa laman can mag̃na pising may botg̃nol patin mag̃na badas na tinimgâan. Culang pa, Diosnon na Paratubos, na namitan mo an sarô pang pasaquit na macacapacurahao sa mag̃na tauong maisog asin macucusog. Caipuhan pa na paaguihon ca sa sarong cabag̃nisan na daing casama. ¿Si isay an day magtatag̃nis nin luhang dugó pacaquita na hinohobàan ca olî can mg̃na gubing na nacacadocot sa mag̃na lugad nin paghampac, na guinogubig̃nan ca nin yamit na púrpura, na binobogtacan an simong payó nin coronang tonoc na pinagsaralapid, asin pinacacapot ca nin capotol na cauayan, dag̃nan guinagalag̃nan, caiba an mag̃na pagharac-hatac nin siring: Pagherotan ca nin Dios, hadê nin maMediaWiki:Proofreadpage pagenum templateg̃na Judio. Guràno dao an tinios mo sa mag̃na pagpocpoc sa imo na nacacatadoc an mag̃na tonoc nin si corona na nacacalugad sa saímong payó! ¡Oh Diosnon na Paratubos! pahadqui sacó iyan mag̃na bohoc na nagcacasaràbit sa corona, patin namimitpit can simong dugó, mantang macapira ta ca pigologolog sa cahalangcauan nin sacong boot. Sinasamba co iyan mag̃na pisg̃ni, iyan mahal na ag̃nog na pinasacan can mag̃na tonoc, mantang haloy na sa sacong calág pinagbasangbasang co iyan sa imong ladauan. Boot cong idotâ an sacong mag̃na g̃nabil dihan sa dugong nagtotorô sa mag̃na tonoc na nacacaromarom can simong mag̃na matá asin nadalahay sa simong côcô sagcod na nacacatomtom sa dagà, mantang pinatarom co can sacong macasosopog na gauègauê an mag̃na tonoc na nagpaturauis dihan sa matubison mong Lalaogon.
Omontoc nin cadiquit, horophoropon an binasa, dag̃nan isonod ining
¡Oh banal na Lalaogon nin sacong Paratubos! Itogot mo na haleon co sa simong Diosnon na ag̃nog iyan coronang nacacapagpadugô. An sacong mag̃na casálan, ó mamomòton na Ama, iyo an nagpapabolos can mag̃na luhang dugô MediaWiki:Proofreadpage pagenum templatedihan sa simong mag̃na matá. ¡Macapira dao liniuat co iyan pagcorona huli sa pagbalicbalic co sa casálan! Nagsosolsol aco huli ta aco an nanidalehan caiyan mabag̃nis na pasaquit. Poon g̃nonian, Diosnon na Lalaogon, boot cong isoclob sa sacong payó iyan coronang macolog, na nacacaomay can sacong capaabaoabauan asin nacacabicô can sacong calangcauan: boot co na iyan mag̃na matarom na tonoc tomadoc sa sacong pusó sa pag-acô asin pagtagal can gabos na mag̃na casaquitan digdi sa buhay na ini. ¡Oh mahamison na Lalaogon nin sacong Dios! Guiboha na an dugong nagbolos dihan sa simong ag̃nog macapagpalomoy can sacong pusó, tag̃naning pagtag̃nisan co an sacong mag̃na salâ patin macamtan co an bayad sa lag̃nit. Auot pa.
¡Oh matinios na Jesús co! abaa nang herac
can simong camugtacan na nahihiling co sa
Pretorio can pagpabarag̃nan ca ni Pilato duman sa mag̃na mabag̃nis na caiual mo. Hilg̃na
nindo ining tauo, olay, ta tibaad pa maheracan caidtong mag̃na daing isusugad. Hilg̃na
nindo, ta day na namimidbid, huli sa mag̃na MediaWiki:Proofreadpage pagenum templatelabod, catampalán, lutab asin dugong nagtuturauis. Alagad, oh Diosnon na Màrtir, sa tahao
nin simong mag̃na saquit minimidbid ta cang
Tauong Dios. Itinotungcahal co an sacong payó,
asin nahihiling ta ca sa ventana nin Pretorio
ipigpapadalao sa mag̃na Judiong palpal. Itinogot mo, matinios na Jesús, na pagdalanon ca nin
mag̃na catauohan tag̃naning macapagsabi ca
guiraray sa mg̃na duc-hâ: hilg̃na nindo sa sacong
Lalaogon an saindong Dios, na siring saindo
naggamit nin sarong mantong daan asin parasing, patin naenot pa saindong hubàan sa
sarong Cruz; alagad ta nagpagubing sa saindo
nin manto real, asin pinilî camong mani casalihid nia. Tinios mo an sopog sa balcon nin
Pretorio, sa pagsauay sa mag̃na mayaman asin
mapaabaoabao na tauo patin sa pagsabi sainda:
hilg̃na nindo sa sacó an saindong Dios: aco
mayô condi yamit na manto; alagad camo nag̃naggugubing nin labilabi: nacocoronahan aco
nin mag̃na tonoc; alagad camo nagcocorona
nin burac: aco nagpahuri sa gabos na mag̃na
tauo; alagad camo boot mag̃nenotan guiraray
sa ano man. ¡Ah! midbida lamang aco nindo
sa mag̃na duc-hâ asin sa saindang cadaihan,
macasadol man logod saindo sa pagtao sainda
nin dacol na pagcaherac. Tinagalan mo na ipahiling ca sa cadaclan caidtong malôbong hoMediaWiki:Proofreadpage pagenum template
com, garo sa paghagad na caheracan an sarong
maraoton na tauo, tagnaning masauay mo an
magna paracasala asin masabihan: hilgna nindo
sa sacong Lalaogon, an ladauan nin saindong
Dios: ining coronang magna tonoc catumang
nin saindong capahalangcauan: ining agnog,
ining magna mata, ining magna ğnabil na nagdudugo iyo an catumang nin saindong magna
maraot na paghonâhonâ, nin mağna maraot na
hirô, nin saindong magna paglanghad asin
pagrapsac. Sa catapusan, itinogot mo, gagalagnan na Paratubos, na ining maliuag na banuaan maogma can saimong magna saquit asin
camudahan, asin maghagad na gadanon ca
tagnaning masabihan mo an magna pusong nagtitios: uya an saindong Dios, caibahan nindo
quinoronahan aco can magna tonoc nin
pagcaori, nin pagcaoğnis asin nin magna pagsahot
na day nin catotoohan. Magna malolot, magna
maluya, camo gabos na pinagdadâtogan nin
quinâban, humiling camo sa saindong Dios na
baco sanang day naheheracan nin magna tampalasan na tauo sa saiyang macauugay na camugtacan, atâ iquinocorahao pa, sa daculang
caangotan, na ipacô.
Omontoc nin cadiquit, horophoropon an binasa, dağnan isonod ining
¡Oh Santong Lalaogon ni Jesús! Uya acong tauong lolong na sa ibáibáng panahon nagcasala saimo, day na lamang nagguiromdom can tinios mo huli sacó. Ipinahiling ca nin daing tapus na Ama sa magna mata nin sacong calag siring qui Pilato sa magna Judio, asin acó, orog pa ca palpal sainda, nagdagos acó guiraray nin pagpamondó sa saimo can sacong magna paglapas sa saimong pagboot, day lamang acó nalodóc ni cadiquit man. Igó na, Diosnon na Lalaogon, igó na; madigdi acó saimo aroaldao, bacong sa pag-ologolog asin pagpamondó saimo siring can guinibo nin magna Judíos duman sa Pretorio, condi sa paglohod sa atubagnan caining trono nin saimong camurauayan, maghahagad nin tauad can sacong magna casalan. Patauad, namomóton na Lalagon, patauad sa cadaclan na magna pag-ologolog asin day pag-isosogad saimo. Patauara acó, asin huli sa magna méritos nin saimong pagtios patin huli can dugó na nagturauis dihan sa saimong agnog, mahiling ta ca logod duman sa lagnit sa daing tapus na panahon. Auot pa.
¿Diatâ nacapağnahas an palpal na Sinagoga nin pagpagadan sa sacong namomotan na Jesús? ¡Oh! ¿an santo nagtitios can padusa sa magna paralibon? ¿An daing cagadanan magagadan sa sarong dustang bibitayan? ¿Ano ini, Jesús cong namomotan? hinohubaan ca can púrpura ta gugubignan nin túnica; ibinobugtac sa saimong licod an sarong Cruz, na huli sa pagcatagom nacacapabucá olí can magna lugad (ninsi paghampaca) na day pa napipila, asin minaba- lic na magnagturauis nin dugo. ¿Masain ca, Diosnon nan Nazareno? ¡Oh! namimidbid co an gabos: iyan pag-andam na garo sa paglobong, iyan duang paralibon, na senentenciahan casama mo, iyan magna soldado na taga Roma na nagpapáso, iyan trompeta, iyan magna verdugo, iyan magna pagcorahao... oho, nagpapasiring ca sa Calvario, gagadanón cang daing salà, na napapadungcal huli sa cagabatan nin Cruz, na nacapaangot sa magna verdugo na bacong natuang condi nahampac, napocpoc asin natumban sa imo. ¡Oh Jesús co! ¿Si isay an macacahiling na day maherac can saimong hauac na nanlalatâ asin nagtotorong dugo? ¡Abang cabağnisan na guiniguibo sa imo caidto mansanang pigtutubos
mo! Tibaad marağna ca nin cadiquit nin sa
imong Ina sa tahao nin saimong pagsaquit, ¡Ay! si María minahalê sa cadaclan, boot comogos sa saiyang namomôtan na Aquî; isinisicual nin mağna soldados, nagcahilignan ining duang maromarom na astro, asin iyo sanang nahimo an pag-agrağnay sa puso: ¡Aquí co!... ¡Ina co!... asin si Jesús na naglalabaylabay, huli sa cagabatan nin Cruz napadungcal oli. ¡Oh, Paratubos co! ica na nadadâtogán can sa imong pâsan, pinatitindog caidtong magna daing ogalî sa tumban asin ibang catampalasanan. ¡O cabagnisan na day pa sagcod nadağnog! Nagpoon ca nang maghignagdan, Paratubos co: an magna saquit na tinios asin tinitios mo dadaracol pa guiraray. ¡Jerusalem, na pinacasanto can magna bitis ni Jesús, ano an nahihiling mo gnonian! Alagad ¿ano an nahihiling co, matinios na Jesús? an saimong gagalagnan na Lalauogon na nadadampolan nin cabócabó, dugó, asin magna lutab, guinagânot huli sa capagalan. ¿Si isay an mapahid caiyan gagalagnan na agnog? ¿Si isay an malinig can dugo na nacacaquipot can simong magna mata? ¡Ah, Diosnon na Mártir! hilgna an sarong babae na naagui sa tahao nin magna garod asin magna verdugo: hilgna, magayon na Nazareno, na minalohod asin minasamba saimo: hilgna, na Plantilya:Block right
pacalocota an paño sa saiyang payó napaaram
simo na pomahid caiyan Lalaogon na pinananalmignan
nin mağna Angeles. Alagad,
¡Oh gnağnalasan! idtong pañó naguin mahalagang
cayamanan; pacatumtuma can ganot
asin dugô can Aqui nin Dios. Paladan na Verónica:
an simong pagcaherac binalsan can ladauan
ninsi Lalaogon caidtong Paratubos sa
magna tauo. Paladan man camo, Osa de la
Vega asin Nueva Cáceres, na igua camo nin
sarong ladauan na nagpapaguiromdom caidtong
nangyari sa dalan nin capaitan. ¡Oh namomotan
cong Jesús! idotá cong marahay sa sacong
gnosò an Diosnon mong Lalaogon sa bilog
Ina calodocan nin sacuyang puso,
Omontoc nin cadiquit, horophoropon an binasa, dağnan isonod ining
¡Oh, maninigong mamòtan na Jesús! An sacong magna salà iyo an dahelan nin simong magna casaquitan asin camudahan sa dalan nin capaitan. ¡Con nagcapalad cutâ aco arog qui Verónica na macapahid can simong gånot! ¡Oh, gagalağnan na paratubos! an simong pagcamoot daing socol: binayaran mo nin sarong balaogan pagcaherae ni Verónica na
asin huli sacó, minsan alang-alang, binoot mong paaguihon digdi sa estampa an simong pag-ampon caining banuaan. Ica an magboot sacô dian sa saimong trono. Sôli sa pusô co an pagcamoot arog caidtong sa maheheracon na babae, sa pagpahid co can mag̃na luha nin mag̃na duc-ha, na iyo an casalihid mo, asin sa pagrag̃na sainda sa saindang pagtios g̃nonian na nagbabaclay sa masaquiton na dalan. Pasirig̃na sa saimo an samong paglacad. Guiboha na omiba aco simo sa Calvario, asin con aco luyahon, ica, mahal na Lalaogon, an omantabay sacò, an sacong pailihan, an sacó somorog sa pacaabot duman sa mamurauayon na Jerusalem. Auot pa.
¡Oh Esposo nin dugo! ¡Oh mahoyoon na Cordero! ¡Oh matinios na Jesús! Ominabot ca na sa catapusan nin sa imong paglacao: yaon ca na sa ibabao can altar na aatag̃nan saimo. Alagad, ¿ano ta itinotogot mo, Jesús co, na hubaan ca can simong gubing sa atubag̃nan nin cadaclan? ¡Hinobaan an nagpapagubing nin mag̃na burac sa mag̃na capatagan, nin laui MediaWiki:Proofreadpage pagenum templatesa mag̃na gamgam, asin nin ubac sa mag̃na bug̃na! ¡Oh, Paratubos co! Macolog sa boot co an simong pagcasopog asin pagcamondò. ¡Oh, Jesús co! Nahahalean aco nin cosog sa paghiling can siring na cabag̃nisan. ¡Ica pinadupa sa sarong Cruz ta ipapacô! Tinataquigan aco sa balang pagpocpoc nin martillo na nacabaac can laman mong malalátâ, asin nacaparagot can simong mag̃na tulang, patin nacapaquibigquibig can mag̃na ogat mo saca nacapaboroboso nin dugo. ¡Cadaculang saquit an simong tinios aso palaobon an Cruz, pagbicòa an mag̃na pacô, ta nacataguis sa cagapoan an simong hauac! ¡Cadaculang colog, aso patindogon an Cruz na ipinadaling ibongsad sa cotcot tag̃naning magcaralapò ca! ¡Oh, Jesús co! ¿Si isay an macahorophorop can mag̃na tinios mong saquit ninsi ipacô ca? ¿Gurâno dao cadaculà an camondoan mo, Diosnon na Mártir, na pinagdadaralao ca cadtong cadaclan, bacong sa pagcaherac saimo atá sa pag-ologolog logod? An balang tataramon na minaabot sa saimong talig̃na sarong pagmuda asin pag-ologolog. Carani mo, pinaghihiling mo an nagcacapirang caibahan na day simo biminayá; alagad, bacong nacacarag̃na, condi orog nang nacacapamondo símo. Nahihiling mo idtong mag̃na soldados na nagbaMediaWiki:Proofreadpage pagenum templatebarag̃nà o nagcacarauat can iyoiyo mong nasasadirihan digdi sa dagâ, can simong mag̃na gubing, sagcod can pag̃nirarom na túnica na daing catahîan. Nagsasaròsarò ca sa quinaban, mayong carag̃nahan, patin daing maolnan an payong ralabot nin matatarom na tonoc. ¡Oh, mamomôton na Paratubos. Naquiquita cong guinaganot nin malipot an simong Lalaogon: pinaghihiling cong nadadampolan iyan mag̃na mata nin mag̃na luhang may dugo, quilpis na an mag̃na pisg̃ni, napaitan an g̃nosò nin sucang tinonauan nin apdo, malongsî na an mag̃na g̃nabil, asin sa hiniròhirò mo an paghig̃nalo nin naghihiġnagdan. ¡Ay! ¡Naotsan an sacong Jesús! Ipinahahayag nin dagâ can macacucubhan na paglinog, nin lag̃nit can pandiclom, nin infierno can mag̃na pag-og̃nal sa caangotan; asin acong tinubos, acong naguin dahelan can pagcagadan nin sacong Dios, ¡day lamang nabate, patin day nababaac nin casaquitan an sacong puso!
Omontoc nin cadiquit, horophoropon an binasa, dag̃nan isonod ining
¡Oh mahamison na Jesús! Cadaculà can simong tinios huli sa sacò patin ¡abaa camahal can pagbalucat mo sacuyà! ¿Ano an icacabaMediaWiki:Proofreadpage pagenum templateyad co saimo, Paratubos co? Poon g̃nonian boot acong mabuhay asin magadan sa saimo, na gadanon co an mag̃na maraot cong ogalê, padusahan co an sacong hauac asin tumag̃nan co an mag̃na pagmauot nin maraot. Sagcod pa, day logod maparà sa sacong calag an simong pagsaquit, tag̃naning day co malig̃nauan an mag̃na ootbon cong catongdan, an mag̃na ipapatauad cong pagpacaraot nin iba, asin mag̃na saquit na titioson co. Huli caini, Jesús co, day mahahalè sa sacong guiromdom an ladauan nin simong mahal na Lalaogon. Paghihilig̃non co iyan mahal na ag̃nog na nacocoronahan nin tonoc, iyan mag̃na matang sônip, na panò nin dugò asin maating lutab, iyan malongsing g̃nosò na hinahalean nin mag̃na tataramon dapit sa buhay na daing tapus, ta con siring, pacahorophoropa co can simong tinios huli sacò, pagpepenitenciahan co an sacong mag̃na casalan, asin pagtatag̃nisan sa pacaabot can patauad patin capaladan nin pagtorohoc sa lag̃nit can simong mahal na Lalaogon sagcod noarin pa man Auot. pa.
¡Oh Diosnon asin mamomôton na Jesús! Sagcod g̃nonian hinohorophorop co an simong pagMediaWiki:Proofreadpage pagenum templatesaquit asin pagcagadán. ¡Oh cadaculang pagcamoot sa saimong linalang! Gnonian, sa pagpahignalô can sacong pusò na tagob nin calipògnauan huli can pagguiromdom nin simong day masabing pagtios, togoti aco, Jesús co, na i-áuit co an icaoomao saimo, asin ibantog co an magna paglaad nin simong pagcamoot huli caiyan gnağnalasan mong pagpahayag nin saimong Diosnon na Lalaogon. Ohô, Paratubos co; day mo pa pinapagcanigò an simong pagtios, can pagcatadà mo sa Sacramento nin Eucaristía, nagpapahayag ca nin mağna ġnagnalasan aroaldao sa manlaenlaen mong ladauan, sa pagpamidbid na orog can simong pagcamoot. ¡Gurâno cadacol an magna guini-guibo mong ğnağnalasan sa gabos na oras sa magna ladauan nin sarong maboot na Cordero na natatalagang gadanón, sa magna ladauan ninsi nagpapasán ca nin Cruz, ninsi ipacò na bicyao an magna taquiag, garo andam sa pagcogos sa paracasalà! Alagad, an orog mong pinagpahilgnan nin gnağnalasan, iyo idtong ladauan nin simong Lalaogon na sinasamba sa Osa de la Vega, na guinânot nin dugo asin tubig siring cadto sa Getsemaní; guiniguiromdom co, oh Diosnon na Lalaogon, an paggànota cang macatlo asin an manga biayang itinao mo sa Osa de la Vegang banuaan, asin MediaWiki:Proofreadpage pagenum templatesa diminoloc saimo dara an malaad na pagtubod. Magsabi, mahal na Lalaogon, an magna butang nacamaan, an manga boğnog na nacadağnog, an manga lopog na nacalacao asin an sarisaring manga may helang na nagcaoromayan. Pinogolan mo an magna báguio asin pinadulag mo sa magna taga duman an hampac nin damat na cólera. Pagomauon ca, Diosnon na Lalaogon, ta ini na simong ladauan, an hinoad duman, nagampon sa magna sacerdotes caining banuaan can pagagui nin cólera can taon na 1882. Magcacanigo, cang omauon, mamomoton na Lalaogon, ta ica an samong paalauan, parasorog asin caalignan sa samong magna camondoan digdi sa ibabao nin daga.
Omontoc, nin cadiquit, horophoropon an binasa, dağnan isonod ining
Santong Lalaogon nin sacong gagalagnan na Paratubos, na nagpahayag nin pagcamoot sa magna banuaan asin naguaras nin magna biaya sa nagdedevoción simo, caheraqui cami; guiromdoma, na ica an pinagcacasararoan nin gabos ming paglaom. Aram ming gayo na dian sa macacalodoc mong camugtacan, sa pagguiromdom nin saimong pagsaquit, nacacaMediaWiki:Proofreadpage pagenum templatelaog an gabos ming casaquitan, nacacapasangcob an samong caluyahan, nagaaniniğnal an samong pagtağnis, asin nabubucasan an tatá sa samong caipuhan. Nin huli caiyan, sa saimo cami minadoloc, mahamison na Lalaogon. Ica an mani ilao niamo tagnaning day cami mahalêan nin pagtubod; an samong pailihan tagnaning day cami magpuaypuay; an samong sosondan tagnaning day cami malagalag pasiring sa caratan; an samong popogolan tagnaning day cami maholog sa sogot. Hari calignaui ining banuaan, na nagpapaampon saimo, bendicioni asin bôsogui can simong pagcaherac: poon gnonian licayan sa damat ó peste na hinahampac mo sa magna. banuaan con naaangot ca; asin padulagá an baguio, gotom, tighorao patin ibang carâtan. Sa catapusan, hari calignaui cami na digdi sa pagnovena naghorophorop can simong pagsaquit asin nagauit can magna biaya nin simong pagcamoot: taui man cami can carahayan na hinahagad niamo digdi sa pagnovena con orog na icacaomao saimo, patin icacarahay nin samong calag. Auot pa.
- An banuaan na nagalang
can Lalaogon mong mahal,
simo gnaning caheracan,
Paratubos nin quinâban.
- Sa Getsemaní naquitâ,
Jesús na mapacumbaba,
can mamibí ca, sa dagâ
an Lauog mo nacadota.
- An dugò na bominasa
can gubing mo, asin luha,
sa samo iyo an tanda
nin pagtubosa sa sala.
- An banuaan etc.
- Ni Júdas na masumbical
ining Lalaogon hinadcan,
nagsaguinsaguin an palpal
catood, bágo, caiual.
- Di na lamang naticbahan
an discípulong masúhay
can daculang cahoyôan
nin Maestrong minamahal.
- An banuaan etc.
- Idtong Lalaogon na banal,
nin lagnitnon caogmahan,
- ding paquimano tinampal
- nin camot na tampalasan.
- ¡Hilgna nindong linutaban
- idtong agnog na mabansay
- caídtong magna caiual!...
- ¡hilgna an pagbasangbasang!
- An banuaan etc.
- Matarom na magna tonoc
- sarong gocon an caarog,
- sa payo natatalanhoc
- macosog an pagcatadoc.
- An dugong timinurayog
- naghugas can digtang bilog
- nin quinaban, na rinaot
- ninsi salang pinanonod.
- An banuaan etc.
- Cauayan pinacang cetro,
- sarong yamit ijmng manto
- nin Cagurangnan na santo
- can idognao ni Pilato.
- Hilgna, gnaya, an tauo,
- na piggagagadan nindo,
- hilgna, maluya nang gayo,
- sabi sa manga Judio.
- An banuaan etc.
- Paracasalá, hiligna
- iyan tauo, tingcalaga,
- ta panong luha an mata,
- ica an inaagagha.
¿Ana ta napasiring ca,
Hade lagnit daga pa?
an sala mi, bacong iba,
Íyrong nagratac sai ya.
An banuaan etc.
Lacao, babaeng pusóan,
sabata duman sa dalan
si Jesús na nagpapasan
can cruz na sato tutubsan.
An Lauog nadadampulan
nin lulia, dugó lutab man;
dalagan, simong pahiran
an salming nin calagnitan.
An banuaán etc.
Si Verónica naglohod
mapacurnbabang boot,
lininigan ninsi ramog
idtong magayon na Lauog.
Ni Jesús binalsan tolos
idtong babaeng maimbod,
sa natalá,sa pagcamoot,
Lalaogon niang malodoc.
An banuaan etc.
Iuinalat sa satuya
ining daculang biyayá,
gnani tang mabanabaná
an cagabatan nin sala.
- Nagsosolsol cami, Ama.
- sa atubang mo natuga
- nin bilog na pagpabaya
- can ğnaran na pagcasala.
- An banuaan etc.
- Caming aqui mo licayan
- sa damat, gotom, linog man,
- ta sa magna capiótan
- Ica samong paalauan.
- Sa oras nin pagcagadan
- cami mo man bendicionan,
- gnani ming matorohocan
- Lauog mo sa calagnitan.
- An banuaan na nagalang
- can Lalaogon mong mahal,
- simo gnaning caheracan,
- Paratubos nin quinában.
V. Signatum est super nos lumen Vultus
tui, Domine.
R. Dedisti lætitiam in corde meo.
v. Dominus vobiscum.
R. Et cum spiritu tuo.
vivis, et regnas in sæcula sæculorum. Amen.
v. Tinandaan mo cami can liuanag nin sa imong Lalaogon, Cagurangnan.
R.Tinauan mo nin caogmahan sa sacong puso.
Dios cong maheheracon na daing siring, na pacatandai mo cami can liuanag nin sa imong Diosnon na Lalaogon, sa paghagad nin paladan patin maorop na Verónica uinalatan sa gnağnalasan na pagcatalá sa lienzo can simong mahal na ladauan, tağnaning igua cami nin mabansay na pagguiromdomon; sa capacumbabaan naggnağnayòğnayò cami saimo na, huli can Santa Cruz asin simóng mamurauayon na pagsaquit, togotan mo cami na magsamba patin maggalang can saimong santong Lalaogon siring baga sa salming asin sa anino, tağnaning sa aldao nin paghocom magcanigò caming matoninong patin magayagaya na macaatubang saimo, asin macahiling saimo siring sa mabooton na Hocom, saimo, Paratubos samuyà, na caibahan nin Ama asin Espíritu Santo nabubuhay asin naghahadê ca sa panahon na daing tapus. Auot pa.
Acóa, Señor, gabós niácong pacahiuas, asin auot pang icaogma mo an sacong pag-iisip, guiromdom asin boot. Gabos na sarosadiri co, anan iyan na itinao mo sacó; tara inooli asin itinatao co gabos iyan sa imo, g̃naning ica an magboot na gayo caiyan gabos. Itao mo sana sacó an lipotocon na pagcamoot sa imo na caiba an sa imong gracia, na iyo iyan lamang an icayayaman co asin day na acong ibang hahagadon sa imo.
Orog na gayong itao mo sacó, Señor, an cabinian nin calag pati hauac, nin huli can mahal mong dugo na timinoró sa circuncisión.
Taue man acó can balaog nin macalolodoc na pamíbí, asin luhang sa puso, huli can dugó na iguinanot mo sa Getsemani.
Taue man acó can balaog nin pacapagsaysay can gabos mong guibong gnagnalasan sa laenlaen na tatararamon: sa tataramon nin santong paqui-ulayulay, asin sa tataramon nin matubis na gauégaue asin mabansay na paradara, huli can dugó mong liminuas can hampacon ca.
Taue man acó can balaog nin pacamidbid nin marhay na ogalé gnaning an puso co day maolactan nin maraot, asin mapacarhay an calag co, huli nin si dugó mong liminuas asu coronahan cang tunoc.
Taue man acó can balaog nin pagdanay sa
pagsonod can pasabong mo, asin sa marahay na caogalean, huli nin si dugó mong liminuas asu hubaan ca liuat.
Taue man acó can balaog nin martirio, con an totoong pagcagadan sa pagpatotoo niaco can santong pagtubod, con nin tibaad nang cabanalan nin cristiano; con an pag-aguing saquit minsan magadan padagos sa pagotob can catongdan nin camogtacan co, asin magadan logod acó na napapacó asin panong casaquitan, pamayaan nin gabos asin bió acong malignao can gabos na day tibaad digdi sa daga, siring sa ipinaquiquimaherac co sa imo, nin huli can dugó mong diminalihig asu ipacó ca,
Sa gabos caiyan taue acó can balaog con gracia mong nagpapadanay gnunian na mabagsic pa acó, asin an iyo na sanang gracia sa oras nin sacong pagcagadan, nin huli can dugó asin tubig na liminuas sa lugad mo sa hirog. Auot pa.
(seal) (seal)
Tará, ó Puso ni Jesús,
Puso nin sacong Cagtubos,
ipamidbid mo sa gabos
an cayamanan mong rimpos.
| Oh Puso nin Paratubos! pacusga an samong boot, ta gnaning dai lumoyos Sa saimong pagcamoot. |
Mahal ná Puso ni Jesús, maheheracon na lubos, sorogon mo cami gabos, huli ta simong tinubos. | |
| Oh Puso nin Dios, Aqui! na baga bato-balaní an tauo madara gnani na sa sala macahale. |
Oh Puso cong Cagurangnan, sambahon ca, paglingcodan min gabos mo na linalang, guiraray magcagurang map | |
| Saquit, hauac asin boot sa Puso mo samong dolot, macapagbayad an mauot sa tunay mong pagcamoot. |
An Pusong orog camahal, nin Aqui mong namomotan, idinodolot mi gnonian simo, Amang Cagurangnan. | |
| Tará, ó Pusong masaysay, pasabġni cami guiraray can cadonognan na tunay, na samong camurauay |
Oh mahamison na Puso! guibohang magcasararo an gabos niamong puso, na sa imo nanenero. |