Libro nin Pagluto asin Pagconserva/Magna Paguiromdom sa Pagsisirve sa Lamesa
MediaWiki:Proofreadpage pagenum template MAGNA PAGUIROMDOM SA PASISIRVE SA LAMESA
"Andam na an pamahao," "Andam na an Pagnodtohan," iyo ini an magna tataramon na guinagamit sa pagsasabu na andam na an pagkakan.
AN PAGTUKAO.—An visita kaipuhan na tomukao sa tognod kan kagharong. An kagharong maninigong tomukao sa too kan saiyang visita.
Tomukao nin matanos sa silla.
Bikladon an servilleta sa may kandugan; asin ta dai ipagbogtak sa cuello.
Kun dai pa nagkakan ibogtak mo an saimong magna kamot sa ibabao kan saimong magna paa.
Irayo nin kadikit sa hawak an pagkutsara kan sabaw asin matoninong na higupon sa guilid kan saimong kutsara.
Dai mo paghayopan an kakanon sa atubang kan ibang kaibahan mo kundi halaton mong maglipot an kakanon. Dai ipagwalat an kutsara sa mangko kundi sa bandejado gnaning magagamit man kan iba. (An boot sabihon idtong kutsara na nanonognod nanggad para sa bandejado), MediaWiki:Proofreadpage pagenum template Dai ipagbukas an gnoso mantang nagsasapa.
Ignatan na maguin matoninong an pagsapa asin ta bakong maribok.
Dai maghugnit nin labi kadakula ta maraot paghilignon.
Dai magtaram mantang nagsasapa o may kakanon pa an gnoso.
Kaptan an baso kan toong kamot asin ominom nin korokadikit sana.
Gamiton an cuhillo sa pagpidaso kan karne o anoman na dapat pidasohon, Asin kun dai guinagamit an cuhillo ibogtak sa guilid kan plato.
Gamiton an tenedor kan toong kamot sa paghuhugnit kan anoman sa kakanon na matagas na mangyayaring matodok kaiyan.
An kutsara guinagamit sa paghugnit kan malolomoy na kakanon na dai mangyayaring gamitan kan tenedor.