Libro nin Pagluto asin Pagconserva/An Pagpupuesto sa Lamesa
MediaWiki:Proofreadpage pagenum template
AN PAGPUESTO SA LAMESA
[baguhon]
An kakanon naguiguin marhay asin managom kun ipupesto sa lamesa na malinig, na may magna plato, tasa, kutsara asin tenedor sa balang saro na matukai o sa balang miembro kan familia. An lamesa na mau tapete ay madaling ignatan na malinig asin ta marahay na paghilignon. Segun sa sarong bantog na parasurat an lamesa maninigong husayon sa siring na paagui:
"Nosnoson gnona an lamesa kan malinig na trapo asin dagnan bogtakan kan sarong telang mahibog sa siring na pranela, tagnaning dai magkaigua kn ganot an ibabao kan lamesa, dagnan ibogtak an tapete sa ibabao kaiyan. Husayan na mapabogtak sa tahao an tapte asin sa guilid tipigon na pairarom sa pagtagnaab kan lamesa asin kan tapete man sana. An sadit na florera na man magagayon na burak asin dahon ay makakatabang sa pagpapagayon kan lamesa.
Kun an lamesa halaba bogtakan nin tigsararong plato sa may poro dapit asin sa guilid naman bog magkapiriot an magna makarakan. Ibogtak an cutakan nin plato sa magibongibong sa tognod kan balang saro. Carculohon an distancia na dai man MediaWiki:Proofreadpage pagenum templatechillo sa too kan balang plato alagad ta nakaatubang an tarom sa wala dapit kan plato. Ibogtak na patihaya an tenedor sa wala dapit kan plato. Ibogtak naman an kutsara sa too dapit kan cuchillo. Tipigon an servilleta asin ibogtak sa wala dapit kan tenedor asin an bobogtakan kan mantikilla sa may poro dapit kan tenedor. Ibogtak an vaso sa may poro dapit kan cuchillo.
Dai pagpiriton na aboton an anoman na bagay na harayo kundi sabihon na “ipakiabot tabi an maluto o kaya dulce,” o tibaad nang bagay.
Pagorolayan sana an magna marahay asin makaweweling bagay alagad ta dai man magguibo nin labilabing paggnisi ta maraot.
Sa pagkakan pagignatan na maguin malinig ansaimong tognod o palibot kan plato.
An palito guinagamit sa hilom na lugar bakong sa lamesa sa atubang nin kadaklan na nagkakarakan.
Tipigon guiraray an saimong servilleta pagkatapos na magamit na.
Asin ta kun kaipuhan na gayo an homale sa lamesa mantang dai pa tapos an pagkakan, sabihon sa cabesera, “tabi po mahale gnona ako.”
Asin kun may mangyaring tibaad nang bagay na bakong makaweweli sa saindong pagkakan o sa lamesa man kaya dai ka magpahayag kan saimong pagkadai nin gana sa atubang kan nagsisirve sa lamesa MediaWiki:Proofreadpage pagenum templateAn Pagsisirve sa Lamesa: Kun daing visita, tawan gnona o sirvihan an babaye na kagsadiri kan harong. Kun may visita naman arin man sa dua ay mangyayaring enoton, minsan an visita gnona o kaya an babaye na nasa too niya.
An pagsisirve kan sira na nakabogtak sa tason o kaya sa plato kaipuhan na iduhol sa wala kan balang nakatukao sa lamésa. Dai paggamiton an saimong kutsara sa pagkua kan sira o maluto man kundi an dating kutsara ba nakatagama diyan sa plato o kaya sa tason.
Sa paghuhusay kan lamesa sa pagkakan dai pagboktakan kan magna bagay na dai kaipuhan sa oras nin pagkarakan.
Dai man pagsorosoon ang pagbobogtak kan silla sa may guilid kan lamesa.
Duang minuto na bago apodon an magna makarakan bogtakan na nin tubig an magna vaso alagad ta dai man pakapanoon kundi labi sanang duang kabtang kan vaso.