Libro nin Pagluto asin Pagconserva/8
An gabos na clase kan frutas o bugnang kahoy asin an gabos na magna gulay mangyayaring makonserva sa lata o kaya sa garapon huli ta iyan maguiguibo naman sa harong. Dakol na magna pagbalo an guinibo na sa magna pagkonserva kan magna frutas asin magna gulay sa kamauotan na madiscobre o maaraman an madaling paagui kan pagguibo kaiyan, asin nin daing dakol na gasto.
Gnunian may apat na paagui na guinagamit sa pagkokonserva; na siring kan magna minasunod:
An inaapod na "hot-pack method". Lutoon sa tacho na may asucar an frutas saka ibogtak sa garapon na malinig asin dagnan pakalakagaan (sterilized) asin dagnan takpan nin mahigpit. An paaguing ini nin pagkokonserva ay marahay sa magna frutas na totoong maacido alagad ta bakong marahay an paaguing ini duman sa magna fruta
An inaapod na "three-day intermittent" o "fractional intermittent". Ibogtak an frutas na labas sa garapon na esterilisado asin dagnan bogtakan nin asucar na tinunao o arnibal asin ilapat an takop; saka ibogtak an garapon sa ibabao kan parilla sa laog kan lata o kawaling hararom dagnan bogtakan nin tubig na dakol gnaning malangtopan an garapon sa laog kan 24 na oras. Sa masunod na aldao guibohon guiraray an siring na pagpapakalakaga sa laog kan sarong oras. Dagnan pagkatapos kaini isaray guiraray sa laog kan 24 na oras. Sa ikatlong aldao uliton guiraray an siring na pagpapakalakaga asin dagnan kun matapos na saka isaray.
Sa enot na pagluluto ay nagagadan an magna bacteria, sa ikadua an pisog naman an nagagadan. Kun sa bagay ay husto na an duang aldao alagad ta marahay na uliton sa ikatlong aldao tagnaning mapiho na gadan an gabos na bagay na nasa laog kan garapon.
An inaapod na "vacuum-seal method". Hugasan gnona an gulay o frutas dagnan labonan nin madali asin ibogtak guiraray sa malipot na tubig dagnan lutoon na may mahamis asin dagnan ibogtak sa garapon na malinig, na takpan nin mahigpit.
An inaapod na "cold-pack": Ibogtak an anoman na gulay o frutas sa garapon saka takpan asin MediaWiki:Proofreadpage pagenum templatepakalakagaan sa tubig segun sa clase kan frutas na guinamit o gulay. An paaguing ini madali kun susundon lamang an anom na tangga sa pagaandam o pagguibo:
1. Pagaadam-An coconservahon ay dapat na pilion, linigon, ubakan, asin guirison o baakon kun kaipuhan, tagnaning dai na makaibahan pa an raot na frutas o gulay.
2. Labonan-Pakalakagaan an frutas o gulay na coconservahon magpoon sa sarong minuto sagkod sa kaglimang minuto segun sa clase kan kinoconserva. An magna malolomoy na frutas ay dai kaipuhan pa na labonan. Pagkatapos na mahugasan an frutas o gulay sa malipot na tubig ibogtak sa sarong tela na supot asin ibontog sa nagkakalakagang tubig na dai malihis sa 15 minuto, alagad ta kaipuhan na hilignon kan sarong minaguibo an clase kan frutas na saiyang kokonservahon tagnaning dai man magnanaan an paglalabon kaiyan.
Ibontog sa malipot na tubig. Haonon an supot kan frutas o gulay sa nagkakalakagaan tubig asin tolos man sanang ibontog sa malipot natubig, dagan haleon asin patition. Sa siring na paagui maulian guiraray an natural an color asin ta magtatagas an frutas o gulay na ualuyos sa mainit na tubig.
4. An Pagsasaray o Pagbobogtak sa Garapon: Pagkatapos kaini ay ibogtak na mahusay sa garapon. Kun frutas an ibobogtak dugagnan an hamis. Kun gulay naman an ibobogtak liban na lamang kun camates ay bogtakan nin husto sanang tubig na MediaWiki:Proofreadpage pagenum templatemainit na may timplan asin, sarong kutsara nin asin sa apat na tasang gulay. Pagkatapos ay ilapat an takop kan garapon. Pilion nindo idtong garapon na may mahigpit na takop, ta iyo an marahay. Alagad sa saindong pageesterilisa o pagpapakalakaga kan garapon na may laman dai nindo pakahigpitan an takop tagnaning makasagnao nin kadikit asin sa siring na paagui dai pumotok garapon.
5. Ibontog sa Mainit na Tubig; Sa saindong pagpapakalakaga kan garapon bogtakan nindo kan sapin na kahoy o an orog karahay kun kumua kamo nin parilla asin duman patukauon an garapon gnaning an tubig makaagui sa pagtagnaan kan lobot kan garapon asin kan kawali o lata.
6. An Pagkakasorosoronod kan Paagui: Patukauon an garapon sa parilla o kahoy man sa laog kan lata o kawali man na hararom. Panoon kan tubig an lata sagkod na malabauan an garapon nin sarong pulgada. Poonan nindo an pagbilang kun nagkakalakaga na an tubig. Kun husto na sa oras haonon na an garapon asin takpan nin mahigpit.
An Kasangkapan - Bago kamo magguibo nin pagkokonserva dapat mapiho nindo na an gabos na kagamitan ay anan na malinig na.
An Garapon: Saindong hilignon an liog kan garapon kun baga bakong matarom asin ta kun igua palason nindo por medio kan balhag na sadit. MediaWiki:Proofreadpage pagenum templatePaghilignon kun lapat an gabos na kabtang kan liog kan garapon kun takpan. Asin ta kun "hotpack" an guiguibohon kaipuhan na hugasan kan tubig na nagkakalakaga an garapon bago gamiton.
Paglilinig kan garapon: Patukauon an garapon sa parilla, pakalakagaan sa tubig nin luhayluhay. Pagkahagno an bogtakan na tolos kan frutas asin kan mahamis o arnibal. An paagui kan paglilinig kan garapon ay maguiguibo por medio sa pagbobogtak kan garapon sa tognod kan nagkakalakagang tubig na patilaob, halean kan takop sa laog kan 15 minuto, alagad an goma asin an takop ay ibontog sa tubig na nagkakalakaga. Pagkatapos dai pagpahidan an laog kan garapon tagnaning dai mabogtakan pa kan microbio.
An Magna Frutas: Pilion an magna hinog asin mahamis na frutas sa pagkokonserva. Bakong marahay an labilabi kahinog o kaya hilao. Dai paggonoon kun bakong hinog o hubal kaya. Kun hinog na marahay ay malomoy asin malabsay naman, asin ta dai maghahaloy nin halauig na panahon. Kun magono na ay tolos na konservahon tagnaning dai magkaigua kan labi labing bacteria. Alagad ta kun kokonservahon an siring frutas ignatan na marahay asin malinig. Haleon an gabos na kabtang na raot. Ubakan nin mahimpis sana. Kun may pisog marahay na haleon. Gamiton an kuchillong pirak gnaning dai magliuat an color kan frutas.
Paguubak: An kuchillong gagamiton ay kaiMediaWiki:Proofreadpage pagenum templatepuhan na maguin malinig asin matarom na marhay. Pagkaubak ay kaipuhan na ibontog tolos sa tubig na malipot na may asin gnaning dai magitom an color.
Maasgad na tubig: Magbogtak kamo nin asin sa tubig saka pakalakagaon dagnan saraon. An timpla na guinagamit sa pagkokonserva kan kulay ay 2 sagkod sa 5 por ciento. Ini magagamit man sa frutas na tolos tolos manaitom kun maubakan.
Mahalaga: Pagkaahon kan garapon na may laman guikan sa nagkakalakagang tubig ay pagignatan na dai ibogtak sa lugar na madodorosan tagnaning dai magputok.
Tagnaning dai magpotok an garapon kun binobogtakan kan mainit na frutas o halea kaipuhan na patukauon nindo an garapon sa acero o sa cuchillong pirak o kaya bogtakan sa laog kan cuchillong pirak sa oras kan pagbobogtak. Saka dai padorosan mantang binobogtakan.
Pagtatagahilignon an konserva nindo ta an alamag asin dagos na man na pakalakagaan asin dagnan kakanon na.
- 1. Iandam an frutas, pilion, hugasan, labonan, ubakan asin guirison o baakon kun kaipuhan pa.
- 2. Ibogtak sa garapon o lata.
- 3. Bogtakan kan mainit na mahamis o arnibal
- 4. Takpan nin haluag sana gnona. MediaWiki:Proofreadpage pagenum template
- 5. Pakalakagaan an garapon, (hilignon an lista kan talaan na oras asin magpoon nin pagbilang kun nagkakalakaga na an tubig.)
- 6. Haonon na an garapon.
- 7. Higpitan na an takop dai padorosan.
- 8. Patilaobon an garapon asin palipoton na.
- 9. Linigon an luas kan garapon kun malipot na asin bogtakan kan itiketa, o gnaran.
- 10. Ibogtak sa madiklom, malipot asin mamarang lugar.
Sa magna mahamis na frutas kaipuhan an malasao sanang arnibal o hamis. Sa magna maalsom na frutas kaipuhan an mapulot na arnibal ó hamis. Magbogtak kamo nin azucar sa tubig asin pakalakagaan alagad ta pagtagabokagon gnaning dai matotong, asin pagkatapos ay saraon. May apat na timpla kan arnibal o hamis an guinagamit,—an No. 1 ay malasao; an No. 2 ay malasaolasao nin kadikit; an No. 3 ay mapulot; an No. 4 ay mapuloton nanggad. Siring kaini an pagtakad kan azucar asin kan tubig na gagamiton:
- No. 1 malasao: 1 tasang azucar sa 4 na tasang tubig.
- No. 2 malasalasao: 1 tasang azucar sa 2 tasang tubig.
- No. 3 mapulot: 1 tasang azucar sa 1 tasang tubig.
- No. 4 mapuloton: 2 tasang azucar sa 1 tasang tubig. MediaWiki:Proofreadpage pagenum templateMAIGNAT NA PAAGUI KAN PAGKOKONSERVA KAN MAGNA FRUTAS AN MANGGA
Hinog sana an gamiton, haleon an pisog nin huli sa paggamit kan matarom na cuchillo. Karoson an laman kan mangga por medio kan kutsarang pirak. Hignohahon na magkapararejo an pagkaros kan laman, dagnan ibogtak sa garapon asin bogtakan nin mainit na arnibal na Numero 2 sagkod na mapano an garapon. Haleon nindo an sabo na nasa liog kan garapon por medio kan cuchillo. Kun garapon ay dai paghigpitan na marahay an takop, alagad ta kun lata ay orog karahay na higpitan na tolos. Pakalakagaan sa laog kan 25 minuto. Pagkatapos ay haonon tolos an garapon sa tubig asin higpitan na an takop. Patilaobon an garapon asin palipoton na. Dai ipagbogtak sa lugar na nadodorosan ta iyan magpopotok tolos. Kun malipot na ay pahidan kan basang trapo an luas kan garapon asin bogtakan na kan gnaran saka isaray sa madiklom, malipot, asin mamarang lugar.
Kun bilog an manggang gagamiton ay ubakan na sana asin ilaog tolos sa garapon asin pakalakagaan aa 35 minuto.
Ubakan kan kamot an lansones saka ibabad sa tubig na malipot na may asin (5% an asin) tagnaning dai magpula an lansones. Haleon an pisog asin hugasan sa tubig na mayong asin gnaning mahale an asgad. Ibogtak sa garapon asin bogtakan kan arMediaWiki:Proofreadpage pagenum templatenibal o hamis na No. 2 asin pakalakagaan na 25 minuto, dagnan guibohon an kaarog kan guinibo sa mangga.
An lansones ay nagliliuat an color kun naghahaloy na, alagad tagnaning maignatan na dai magliuat an color kaiyan ay gamiton nindo an garapon na de color o kaya itago sa madiklom na lugar.
Labonan sa laog kan apat na minuto asin dagnan ubakan. Haleon an gabos na magna mata. Guirison segun sa gusto kan nagguiguibo. Guibohon. na parareho sana an pidaso. Dagnan ilaog na sa garapon asin bogtakan kan arnibal o hamis No. 3 asin pakalakagaan na may 40 minuto. Ipadagos na siring kan sa mangga.
Labonan nin tolong minuto asin ubakan na mahimpis sana kan matarom na cuchillo. Kun bilog an guiguibohon na konserva ay todokon kan tenidor na matarom asin ibabad sa hugas nin bagas na magdamlag. Pagkatapos hugasan gnaning mahale an hugas nin bagas. Pakalakagaan sa dakol na tubig na magna tolong minuto. Dagnan haonon asin pogaan an santol gnaning mahale an dakol na tubig asin an tagok. Ibogtak sa garapon na de color asin bogtakan kan arnibal No. 4 asin pakalakagaan na 35 minuto. Ipadagos an siring kan sa mangga.
Kun mayong pisog an guiguibohon ibogtak an MediaWiki:Proofreadpage pagenum templatemahamis na No. 3 asin pakalakagaan na 30 minuto.
Labonan an hinog na bayauas na magna tolong minuto. Ubakan nin mahimpis. Kun bilog an bayauas todokon kan alpiler asin ibabad sa malipot na tubig. Pagkatapos ay patition asin ibogtak sa garapon asin bogtakan kan arnibal na No. 3 asin pakalakagaan na 30 minuto. Guibohon an siring kan sa mangga.
Kun bakong birilog an bayauas ay labonan asin haleon an pisog asin ibogtak sa garapon asin bogtakan kan arnibal na No. 3 asin pakalakagaan na 25 minuto. Guibohon na siring kan sa mangga.
Magubak kan hinog na tapayas hugasan asin baakon patin haleon kan cuchara an pisog. Guirison segun sa gusto. Ibogtak sa garapon asin bogtakan kan arnibal na No. 2 asin pakalakągaan na 25 minuto. Guibohon siring kan sa mangga.
Baakon an langka asin naleon an magna pisog sa balang kunab asin ibogtak na mahusay sa garapon asin bogtakan kan arnibal na No. 2 dagnan pakalakagaan na 30 minuto. Guibohon siring kan sa mangga.
Magubak ka n guyabano asin haleon an pisog asin guirison na korocuadrado, ibogtak sa garapon asin bogtakan kan arnibal na No. 3 saka pakalakagaan na 35 minuto. Guibohon na kaarog kan mangga.
Pumili kamo kan marahay na bugna kan kamagong asin labonan, dagnan baakon asin haleon an pisog saka guirison na kaarog kan sa guyabano. Ibogtak sa garapon asin buhusan kan arnibal na No. 3 asin pakalakagaan na 25 minuto; guibohon sa siring kan sa mangga.
Pilion an magna hinog sana, hugasan asin labonan na duang minuto asin dagnan ibogtak sa garapon asin bogtakan kan arnibal ó hamis na No. 3 patin pakalakagaan na 35 minuto; guibohon na kaarog kan sa mangga.
Pagtorodoktodokon kan alpiler asin dagnan laMediaWiki:Proofreadpage pagenum templatebonan nin magna pirang minuto sa tachong bronse. Patition asin pakalakagaan sa arnibal na No. 2 sagkod na an color kan biriran ay magbalik sa dati. Dagnan ibogtak sa garapon asin bogtakan kan arnibal na No. 3 saka pakalakagaan guiraray na 30 minuto. Guibohon an siring kan sa mangga.
Pilion an magna siring kadakula kan bayauas asin hugasan dagnan ibogtak sa garapon asin bogtakan kan arnibal ó hamis na No. 3. Pakalakagaan na 30 minuto. Hilignon an instruccion dapit sa mangga.
Hinog sana an gamiton. Ubakan asin pakalakagaan nin 10 minuto asin ilaog sa garapon, asin bogtakan kan arnibal na No. 3 asin pakalakagaan na 25 minuto. Hilignon an instruccion dapit sa mangga.
Hugasan nin marahay an camote asin lutoon sagkod na mamara an tubig, dagnan ubakan asin guirison segun sa gusto kan nagguiguibo, ibogtak sa garàpon asin bogtakan kan arnibal na No. 3 dagnan pakalakagaan sa laog kan 25 minuto. Ipadagos na siring kan sa mangga.
An pagguibo kaini siring kan sa kamote.
Ubakan an frutas, guirison nin pino. Bogtakan kan azucar na poon sa 50 sagkod 100% an timbang, asin pakalakagaan sagkod na maglomoy. lbogtak sa garapon mantang mainit pa asin tolos takpan nin mahigpit.
Ubakan an hinog na mangga; haleon an pisog asin ronoton asin sa 10 na tasang ronot na mangga ay bogtakan naman nin 6 na tasa kan azucar asin 12 tasa kan tubig. Lutoon sagkod na lomonoy asin magpulot, ibogtak mantang mainit pa sa garapon saka takpan nin mahigpit.
Guibohon na siring kan sa mangga. Sa 10 tasa kan tapayas ay salakan kan 7 1/2 tasa kan azucar asin 15 tasa naman kan tubig. Lutoon sagkod na magpulot, mantang linoluto bogtakan kan kadikit na vanilla. Mantang nagkakalakaga pa ay ibogtak sa garapon asin takpan nin mahigpit.
Tadtaron nin pino asin sa balang sarong tasavkaiyan ay bogtakan nin sarong tasang asucar asin saro na tasang tubig. Lutoon sagkod na mapulot asin guibohon an siring kan magna naenot na.
Sa balang sarong tasa kan ronot na langka ay bogtakan kan 3/4 tasang azucar asin 1 1/2 tasa kan tubig, asin guibohon an siring kan magna naenot na.
Matapos mahale an pisog kan tapayas, ronoton asin pakalakagaan na limang minuto. Sa sarong tasa kan tapayas ay bogtakan kan sarong tasang tagok kan kahel asin saro man na kutsara kan pinong guiniris na ubak kan kahel, 3/4 tasa kan azucar. Lutoon sagkod na maguin mapulot asin mantang nagkakalakaga pa ibogtak na sa garapon asin dagnan higpitan an takop.
Matapos mahale an pisog asin an ubak asin mata, ronoton asin sa tigsarong tasa kaiyan bogtakan kan asucar na 1 1/2 tasa patin 1 1/2 tasa nin tubig. Ipadagos an siring kan pagguibo kan ibang magna Jam.
Pilion an hinog na sampaloc asin ubakan asin ibabad sa dakol na tubig. Patition saka ramason sa guinaras o sinamay tagnaning magluas an tagok asin sa balang sarong tasa kan sampaloc magbogtak kan saro naman na tasa kan azucar asin 1/2 tasang tubig. Lutoon sagkod na magpulot asin mantang nagkakalakaga pa ay ibogtak na sa garapon dagnan takpan nin mahigpit.
Asin haros pararejo an paguibo kan gabos na magna Jam na Rimas, chico, asin iba pang magna frutas.
An borax ay mahalaga sa guibong paglalaba asin pagpaplancha, asin sa katotoohan sa gabos na magna guibo-guibo sa harong ay kaipuhan na gayo an zorax. Kun sa saindong magna paglalaba maggagamit kame nia kadikit na borax ay makakaeconomia kamo nin kadikit sa sabon. Huli ta ini madaling maapagpaputi kan gubing ki kan sabon. MediaWiki:Proofreadpage pagenum template
Enot saindong hilignon an clase kan frutas kun baga igua kan digta (pectina) bago kamo gumibo kan halea, huli ta an takad kan azucar ay nasasarig sa klase kan frutas. Gamiton an magna frutas na bagong gono, na dai malihis sa 24 na oras. An orog karahay ay hinog.
1. Haleon gnona an digta. Huli ta iyan nahahale sa mainit na tubig, ay guirison an frutas asin pakalakagaan sa tubig sagkod na maglomoy.
2. Pogaon an tagok, asin isalod sa kawali. Bayaan na magtining o maglinaw asin ta sa pagkaaga nindo saraon.
3. Sa malinao na tagok ay magbogtak kamo nin malinig na azucar na pinainit gnona sa lutoon na siring kan minasunod: (a) Kun dakol an tagok na digta nin sarong tasang asucar; kun bako naman labi kadakol lamang kan 3/4 tasa kan asucar. (b) Kun dai naan na digta kabagnang tasa lamang kan asucar an ibogtak.
4. Pakalakagaon na magkasaralak an hamis asin an tagok kan frutas. Haleon an sabo por medio kan kutsara. Asin lutoon sagkod na umabot sa timpla kan halea. Kun magpatoro kamo sa malipot na tubig asin ta dai na matunao mangyayaring haonon na. Saindong koon an temperatura kan guiniMediaWiki:Proofreadpage pagenum templateguibong halea por medio kan termometro, asin kun umabot na 212 F ay mangyayaring haonon na. Sa gabos na guiniguibong halea tagok sana an kaipuhan na koon asin salakan kan azucar.
Ubakan an hinog na santol asin baakon asin pakalakagaan sa kawali, na palabaunan sa tubig. Bayaan sagkod na maglomoy. Dagnan pogaon asin saraon. Pagtimbagnon an takad kan tagok kan santol asin asucar. Iluto siring sa sinasabi sa instruccion sa enotan.
- 1 tasang tagok kan bayuas
- 1 tasang asucar
- Iluto siring kan sabi sa instruccion se enotan.
- 2 tasang tagok
- 1 tasang guniris na manzana
- 2-1/2 tasang azucar
Guibohon an siring sa sinasabi sa instruccion dapit sa pagguibo kan halea. Asin kun sarong kilo kan sampaloc tolong manzana an ibogtak.
Sa sarong tasa kan tagok kaiyan bogtakan kan 3/4 tasa kan asucar. Guibohon siring sa instruo MediaWiki:Proofreadpage pagenum templatecion.
Siring man sana kan sa haleang kamaong, alagad gamiton an hinog.
Siring man sana kan sa kamagong, alagad ta an hinog sana an gamiton.
Sa balang tasa kan tagok kan makopa ay sarong tasa naman kan azucar asin duang kutsarang tagok kan bayasong. Lutoon siring kan pagguibo kan haleang kamagong.
Pagtimbagnon an takad kan tagok kan balang saro. Asin an azucar pareho man kan takad na gagamiton sa bayauas asin santol.
- 3/4 tasang malipot na tubig
- 3 kutsarang tagok kan bayasong
- 3/4 tasang tagok kan kahel
- 1/4 kutsarang asin
- 3/4 tasang azucar
- 1/4 onsang gulaman na luto na MediaWiki:Proofreadpage pagenum template
Pagsaralakon an gabos asin lutoon dagnan ibogtak sa sarong hurmahan asin ibogtak sa mali- pot na tubig. Tara kun malipot na saka ipuesto na may gota kan niog.
- 1 tasang gulaman
- 1/4 tagok kan bayasong
- 1-1/2 tasang tagok kan pinya
- 1 tasa kan azucar.
Lutoon asin kun luto na ibogtak sa sarong mangko asin patukauon sa malipot na tubig o kaya sa hielo. An haleang ini maguiguin masiram na orog kun bobogtakan kan gatas.
| MAGNA FRUTAS | Nagkakalakagang tubig | Steam oven | Pressure Cooker 5 to 10 lbs. |
|---|---|---|---|
| MIN. | MIN. | MIN. | |
| Biriran o Balimbing, bilog | 30 | 25 | 12 |
| Rimas | 35 | 30 | 15 |
| Chico, bilog | 30 | 25 | 12 |
| Chico, bagña | 25 | 20 | 10 |
| Bayauas | 30 | 25 | 12 |
| Guyabano | 35 | 30 | 15 |
| Lanzones | 25 | 20 | 10 |
| Kamagong | 25 | 20 | 10 |
| Makopa | 35 | 30 | 15 |
| Mangga, bilog | 35 | 30 | 15 |
| Makopa | 25 | 20 | 10 |
| Mangga, bilog | 30 | 25 | 12 |
| Mangga, guiniris | 25 | 20 | 10 |
| Langka | 30 | 25 | 12 |
| Tapayas | 25 | 20 | 10 |
| Piña | 40 | 35 | 17 |
| Santol, bilog | 35 | 30 | 15 |
| Santol, bagña | 30 | 25 | 12 |
Ubakan an kundol saka baakon. Haleon an gabos na pisog asin guirison nin mahimpis. Ibabad sa tubig na may puti (apog) ó cal na magdamlag. (1 kutsarang puti sa 1 litrong tubig). Pagkatapos ay ibabad naman sa tubig na malipot sa laog kan duang oras, saka patition. Maginit nin tubig asin diyan pakalakagaan an kundol sa laog kan 10 minuto. Sa duang tasang asucar bogtakan kan sarong tasang tubig asin pakalakagaon. Dagnan ibogtak digdi sa kundol asin lutoon sagkod na maglomoy. Kun luto na haonon asin bayaan na siring sa magdamlag asin pagkaaga saka ibogtak sa malinig na garapon saka takpan nin bakong labi kahigpit, dagnan pakalakagaan nin 25 minuto asin dagnan haonon asin higpitan na an takop.
Hugasan an rimas, idtong bakong hinog kundi an hubal sana. Ubakan asin guirison nin mahimpis. Lutoon sa hamis na (2 tasang azucar sa 1 tasang tubig). Bayaan na nakababad diyan sa hamis na magdamlag. Lutoon guiraray pagkaaga nin 10 minuto pa. Kun malipot na saka ibogtak sa garapon asin pakalakagaan nin media hora, dagnan higpitan an takop.
Pakalakagaan an hinog na santol na magna 3 MediaWiki:Proofreadpage pagenum templateminuto. Ubakan nin mahimpis asin pagapaton, haleon an pisog. Lutoon sa arnibal na duang tasa kan azucar sa 1 tasa kan tubig. Lutoon sa arnibal sagkod na maglomoy. Guibohon an siring kan sa rimas.
Hilao an gamiton na tapayas. Ubakan asin hugasan. Baakon asin haleon an gabos na pisog. Guirison segun sa gusto. Ibabad sa tubig na may puti na siring kan gunibo sa dulceng kundol. Kun bobogtakan kan guiniris na ubak kan bayasong ay manini mahamot an parong.
Gamiton sana an gabos na iba na bakong hinog. Torodokon kan imperdible o kaya anoman na matipanas na metal o tonok nin kahel o suha, saka paluason an gabos na tagok, alagad ta pagignatan na dai maronot an ibá. Hugasan sa malipot na tubig asin dagnan pakalakagaan sa dakol na tubig, alagad ta gamiton an tacho na bronse. Dagnan kun malipot na ay pagpirilditon gabos gnaning magkaharale an tubig na nasupsup. Duang kabtang na asucar an ibogtak asin saro kan tubig. Ibogtak sa tacho an iba asin an mahamis saka pakalakagaan na 15 minuto tagnaning mauli guiraray an color kan iba. Bayaan na siring sa mahamis na magdamlag, dagnan iluto pagkaaga sagkod na maluto nang padagos. Palipoton asin dagnan ibogtak sa garapon patin pakalakagaan nin 25 minuto, dagnan higpiMediaWiki:Proofreadpage pagenum templatetan na an takop.
Gamiton an bakong magna hinog. Gurotan kan matarom na cortapluma an palibot kan bayasong, na magna duang milimetro an distancia, gnaning mani kaarog kan kotmon. Haleon an laman sa laog alagad ta dai pagraoton an hichura kan bayasong. Pakalakagaan sa tubig na may tagok kan limonsito sa kaserolang bronse sagkod na magpirme an color. Dagnan ibabad sa malipot na tubig na magdamlag. Dagnan pakalakagaan guiraray sa tubig nin sarong veces pa asin patition padagos. Lutoon sa hamis na 1 tasa kan azucar sa sarong tasa kan tubig sagkod na maglomoy. Kun gustong isaray sa haloy na panahon guibohon an siring kan sa kundol.
Gamiton an ubak kan hilao na suha. Haleon an ibabao na verde kan ubak kan suha huli kan matarom na cortapluma. Piridasohon na pahalaba sa anom na pidaso. Pumili kan mahibog an ubak. Ibabad sa tubig na may asin sagkod na maglomoy. Guibohon ini nin pirang minuto lamang. Pogaon tagnaning mahale an asgad asin an mapait na namit kan suha. Hugasan nin marahay sa tubig na malipot sagkod na mahale an pait kan suha. Labonan sa kaserolang bronse asin dagnan ihulog na nagkakalakagang hamis na duang kabtang an azucar asin sarong kabtang an tubig. Lutoon sagkod MediaWiki:Proofreadpage pagenum templatena maglomoy dagnan haonon na. Palipoton asin ibogtak sa garapon saka pakalakagaan sa laog kan media hora. Pakatapos ay higpitan an takop.
Ubakan an hinog na pinya asin haleon an magna mata. Guirison segun sa gusto, kun pahalaba o kaya papotol, dagnan ibogtak sa sarong bobogtakan sa siring na paagui: sarong pidasong pinya asin kadikit na azucar, sarong pidaso kan piña asin kadikit na azucar, sagkod na matapos maisaray an gabos, saka bayaan na siring magdamlag. Patition an mahamis saka pakalakagaon an mahamis na pinagbabadan kan piña nin 10 minuto. Kun nagkakalakaga na saka ibogtak an piña asin lutoon na 15 minuto pa. Dagnan ibogtak sa asin pakalakagaan na 15 minuto.
- 1 makapuno
- 2 tasang azucar
- 1 tasang tubig
Baakon asin karoson an makapuno, kan talagang pagnaros kaiyan. Pagsaralakon an azucar asin an tubig saka pakalakagaon nin marahay dagnan ihulog an makapuno, kun mapulot na an mahamis saka haonon asin isaray na. Kakanon na malipot.
- tubig na kaipuhan
- 3 tasang azucar
- 12 hinog na piña
- 1 limonsito
Bogtakan kan tubig an tagok kan piña. Saraon asin dagnan pasiragnan sa aldao. Ignatan na dai maula ta kanogon. Sa ika 21 dias ay magkakaigua kan alamag sa ibabao kaiyan. Koon an alamag kan piña asin hugasan sa tubig na may timplang tagok kan limonsito tagnaning magputi. Ibabad sa tubig an alamag kan piña na magdamlag asin pagkahapon pogaan guiraray kan duang limonsito asin bayaan na siring sagkod sa banggui. Guibohon na siring sa laog kan tolong aldao. Dagnan pakalakagaan na sa mahamis sagkod na media hora asin dagnan haonon asin palipoton na. Ibogtak sa garapon asin takpan nin mahigpit. An natatadang tagok kan piña ay bogtakan uiraray kan 1 tasang azucar asin bayaan na 20 dias guiraray sa aldao asin ta magcacaigua guiraray nin alamag.
Magubak kan hinog na mangga asin haleon an pisog. Ronoton asin saraon sa sarong sinamay o kaya guinaras. Sa sarong tasa kaini ay bogtakan kan 1/4 tasa kan azucar asin lutoon sagkod na maguin mapuloton na gayo. Dagnan haonon asin ibogtak sa sarong palanggana na may pahid na lana MediaWiki:Proofreadpage pagenum templatesaka ibalad sa aldao. Palipoton asin guirison segun sa gustong tabas. Paliguidon sa refinadong asucar na maputi asin isaray sa garapon saka takpan nin mahigpit. An magna frutas na minasunod ay mangyayaring guibohon man na : An piña, langka, atis, guyabano, tapayas, kamagong na hinog, lansones asin iba pang frutas.
Pakalakagaan an santol sagkod na maguin malomoy. Ubakan saka ronoton nin marahay. Saraon sa guinaras na pino. Sa sarong tasang santol ay bogtakan kan sarong tasa kan azucar, lutoon na siring kan sa kending mangga.
Ubakan an hinog sanang magna sampaloc asin ibabad sa tubig na magdamlag. Patition saka saraon sa guinaras. Sa sarong tasa kan sampaloc ay bogtakan kan sarong tasa kan azucar, lutoon sagkod na magpulot asin guibohon an siring kan sa mangga.
Ubakan asin ibabad sa tubig na malipot an bayauas asin dagnan pakalakagaan sagkod na maglomoy. Saraon sa guinaras. Sa sarong tasa kan bayauas magbogtak kan sarong tasang azucar asin lutoon na siring kan kendeng mangga.
- 300 na pili MediaWiki:Proofreadpage pagenum template
- 1 kilong azucar
- 1 sadit na lata condensadang gatas
- 8 sogok
- 1 kutsarang anis
- camote 2/3 kan pili
- 1/2 kutsarang vanilla
Ubakan asin labonan an camote saka isalak sa laman kan pili dagnan guilignon na patin kan anis. Batihon an sogok asin isalak sa gatas dagnan isalak naman sa guiniling na pili. Tunauon an azucar asin pagkaagui kan 20 minuto ibogtak an pili asin an gabos na kaipuhan. Hilignon kun husto na sa punto asin husto na haonon asin palipoton saka guirison segun sa gusto. Pagsaralakon an kadikit na gatas na condensada asin pula kan sogok, na iyo an ipinta sa kendeng pili.
Ubakan asin ronoton an ubi asin paaguihon sa saligsigan kan bagas. Lutoon na kaibahan an duang tasan gota kan niog, duang tasang azucad, guiniling na anis asin guibohon an siring kan kendeng mangga.