Libro nin Pagluto asin Pagconserva/7
An magna familia na nagnagnaipuhan na magmerienda kaipuhan na makanood kan pagluluto kan marahay na mirienda. Kun kamo maguibo kan emparedados kumua nin tinapay na bago asin guirison nin mahimpis na parareho an hibog. Dagnan ipahid an mantekilla sa sarong pidaso asin pagtakopon an dua.
Guilignon nindo an pili o kaya mani asin bogtakan ini kan halea asin iyo an ibogtak sa laog kan tinapay na pinahidan kan mantekilla.
Tunauon nindo an mantekilla mani sa tubig na malipot tagnaning mani mapulot, bogtakan kan MediaWiki:Proofreadpage pagenum templatetinadtad na olivo, asin iyo 'an ibogtak sa tinapay.
Liguison an tigsarong kabtang kan nuttolene (nababacal sa grocery) asin kan camates asin timplahan kan asin. Bogtakan kan dahon nin lechugas asin kan mayonesa, dagnan ilaog ini sa tinapay na pinahidan nin mantekilla.
Pinohon an sogok na linuto na matagas asin bogtakan kan sarsa mayonesa patin dahon kan lechugas asin iyo an ilaog sa tinapay.
Gumamit kamo nin 1/2 tasa kan tanguli nin putiokan saka 1 kutsara kan tagok nin limonsito. Isalak ini sa guiniling o molidong pili o kaya mani gnaning maguin siring kan pasta. Iyo ini an ipahid sa tinapay na may pahid nang mantekilla.
Magtadtad kan 1/2 tasa kan pasas na mayong pisog asin kan 1/2 tasa pili o mani. Isalak ini sa saro may kabagnang kutsarang mayonesa asin sa sarong kutsaritang tagok kan limonsito. Masahon nin marahay gnaning mani siring kan pasta asin iyo an ipahid sa tinapay na may mantekilla.
Guilignon nindo an pili o kaya mani asin salaMediaWiki:Proofreadpage pagenum templatekan kan tinadtad na pino nin pasas iba pang frutas na kaarog kan manzana na tinadtad. Timplahan kan tagok nin limonsito asin iyo an ilaog sa tinapay na may pahid na mantekilla.
Magbogtak kamo sa kawali nin 2/3 na tasa kan laman nin camates asin 2 kutsara kan mantekilla asin kadikit na asin tagnaning magkanamit, dagnan pakalakagaon ini. Magbati nin duang sogok asin ibogtak man guiraray digdi saka bokagon sagkod na magpulotpulot. Magronot kamo nin walong biscuit asin isalak guiraray tagnaning maguin siring kan pasta na mangyayaring ipahid na sa tinapay na may mantekilla.
Tadtaron an magna minasunod na gulay: lombod na seboyas, pipino, siling kastila na mayong harang, letchugas asin camates. Haleon an ibang tagok asin timplahan kan mayonesa na may tinadtad na perijil. Ilaog sa tinapay na siring man kan nasa itaas.
Pahiran nindo nin manlaenlaen na halea o jam an tinapay na may mantekilla.
- 3 sogok
- 3/4 crema (cream)
- 1-1/4 tasang azucar
- 1 tasang dakula nin tubig na may ::vanilla gnaning magkanamit.
Sa bakong binating sogok idugang an azucar, isalak na luhayluhay an crema saka an tubig na may vanilla tagnaning magkanamit. Saka ibugtak sa garaponiera asin guibohon nang sorbete.
- 1 dakulang lata kan gatas
- 1 tasang azucar
- 2 kutsarang harina
- 1 latang crema (cream)
- 2 sogok
Pakalakagaan an gatas; isalak an azucar, harina asin sogok. Kun malipot na isalak an crema asin guibohon nang sorbete.
- 2 latang crema
- 5 sogok
- 4 na tasang azucar
- vanilla
- batag
- 2 kutsarang harina
- 4 na tasang azucar
Lotoon an harina sa tubig. Batihon an sogok na kaibahan an azucar. Isalak sa crema asin ta kun malipot na idugang an vanilla asin an batag na guiniris na pino. Asin guibohon nang sorbetes.
- 1 latang dakula kan sweet cream
- kaputian kan apat na sogok
- 1 tasang azucar saka vanilla
Batihon an crema sagkod na maguin mapulot; batihon an sogok asin dugagnan kan azucar asin isalak sa crema. Timplahan kan vanilla asin guibohon nang sorbete.
- 1 tasang refinado
- guiniris na nuez
- 1/5 tableang chocolate
- 1 tasang refinado
Lotoon an chocolate na may refinado asin tubig na kahustohan tagnaning maguin mapulot. Kun malipot na dugagnan kan guiniris na nuez. Ibogtak sa ibabao kan sorbete sa pagpupuesto. Maguiguin iyan managom.
- 3 lemonsito o suhang pinaroy
- 3 naranjas
- 3 batag
- 3 tasang refinado
- 3 dakulang tasa kan tubig
- 3 sogok (kaputian)
Pagsaralakon an tagok kan lemon asin naraja na kaibahan an guiniris na pino kan batag. Ibogtak sa garaponiera nakaibahan an tubig asin an refinado. Pagsalakon na marahay. Asin ta kun nagnagnabagnaan na an pagkaluto isalak an binating sogok asin dagnan dagoson na an pagguibo o pagbirik tagnaning maguin matagas. Ipuesto na may conservang piña.
- 4 na tasang tubig
- 2 tasang gatas
- 1 tasang tagok kan uvas
- tagok kan 3 lemon
- 2 tasang refinado
- kaputian kan 4 na sogok
- 1/2 pinong piña
Isalak an gatas sa tubig, refinado asin frutas. Asin ta kun nagnagnabagnaan na an pagtagas isalak an binating sogok saka idagos an pagbirik sagkod na maguin matagas. Saka ipuesto.
- Tagok kan 4 na lemon
- 3 tasang gatas
- 3 tasang asucar
- 2 sogok
Lotoon sa garaponiera an gatas saka asucar;
- 2 tasang refinado
- 1/2 tasang tubig
- 4 na lemon
- tubig
- 2 naranjas
- kaputian kan 2 sogok
Pakalakagaan an asucar sa kabagnang tasang tubig sagkod na magpulotpulot. Batihon an sogok sagkod magsabosabo asin isalak sa mapulot na asucar asin ibogtak sa garaponiera na kaiba an tagok kan lemon asin naranja sa duang tasang tubig asin lotoon sa hielo.
- 6 hinog na mangga
- 1-1/2 tasang asucar
- 2 tasang crema
- 2 tasang tubig na malinig o distilado
Ubakan an mangga asin haleon an pisog saka masahor nin marahay. Gumibo kan dulce por medio sa pagsasalak kan asucar asin tubig saka lotoon sa laog kan 15 minuto. Saraon asin idugang an minasang mangga, palipoton asin dagnan ibogguin matagas. Kun nagnagnabagnaan na ibogtak sa an binating crema.
- 1 lata kan crema (cream)
- 2 lata kan mainit na tubig
- 1 kutsarang gaogao (maiz)
- 4 na sogok
- 1-1/2 tasang asucar
- vanilla
Idugang an mainit na tubig sa crema asin ibogtak sa kalayo asin kun nagkakalakaga na, idugang an gaogao na tinunao sa kadikit na tubig. Pagkatapos na mabokag na marahay bayaan magkalakaga saka idugang an binating sogok na kaiba an asucar. Haonon asin palipoton asin timplahan kan vanilla saka ibogtak sa garaponiera asin guibohon nang sorbete.
- 4 na tasang gatas
- 1/2 tasang asucar
- 1 kutsaritang vanilla
Pagsaralakon asin ibogtak sa garaponiera asin lutoon sa hielo.
- 1 tasang gatas
- 1 kutsarang cocoa
- 3-1/2 kutsarang asukar
- 1/2 kutsaritang vanilla
Tunawon sa kadikit na tubig na mainit an cocoa asin pagsaralakon na gabos an gatas asin va-
- 3 kutsarang cocoa
- 1 kutsarang mainit na tubig
Ibogtak an cocoa sa caserola asin lotoon sa sarong kutsarang tubig na mainit. Ignatan na dai matotong asin kun mapulot nang siring sa pasta ibogtak sa sorbete liso na guiguibohon dagnan ibogtak sa garaponiera asin guibohon nang sorbete.
Kumua kan mantikang purico asin salakan kan pula kan sogok saka timplahan nin kadikit na asin. Batihon na marahay tagnaning magkasaralak na gayo asin kun matapos na iyan iyo na an mantekilla.
Magluto kan camote asin ubakan patin ronoton asin salakan kan gatas na condensada asin kan pula kan sogok dagnan batihon na marahay. Timplahan kan kadikit na asin.
Magluto kan patatas asin kun luto na ubakan asin ronoton nin marahay tagnaning mani siring
Isanlag an mani asin dagnan bayohon nin pino. Salakán nin kadikit na gatas na malasao gnaning con mabate mani kaarog can pasta. Timplahan nin kadikit na asin, saka ipahid sa tinapay (Pan Amecano)
Kun daing mani, minsan pili mangyayaring guibohon.
- 2 tasang asukar na pula
- 2 tasang tubig
- 1 tasang pasas
- 1 tasang guiniris na mani o pilí
- 4 na tasang harina
- 1/2 tasang mantikang purico
- 2 kutsaritáng nutmeg
- 1 kutsaritang asin
- 2 kutsaritang cinamon
- 2 kutsaritang levadura o baking powder
Pagsaralakon an asucar, tubig, pasas, pili, mantika, nutmeg, cinamon, saka an asin; lutoon na tolong minuto asin palipoton. Sirnihon an harina asin an baking powder dagnan isalak asin masahon dagnan ibogtak sa hurmahan asin ilaog sa hurno
Magbati kan limang sogok kan manok asin salakan kan tolong tasa kan asucar na refinado na maputi, masahon na marahay asin salakan pa guiraray kan apat na tasang harina, asin sarong tasang tubig na may kasalak na sarong kutsaritang bicarbonato de sosa. Kun napagsaralak nang marahay, saka masahon gnaning maguin mapuloton na gayo. Dagnan ibogtak sa sarong hurmahan asin iluto sa hurno na mainit. Pagtagabogtakan o pahiran kan mantekilla. Ignatan na dai matotong an mamon nindo.
- 6 na sogok
- 1/2 tasang asucar na puti
- 1 tasang harina
- vanilla
Batihon an anom na sogok asin salakan kan asucar asin batihon na marahay sagkod na maglipotok. Idugang an vanilla. Ibogtak an harina na luhayluhay mantang binabating marahay. Kun namasa nang marahay ibogtak sa sarong hurmahan asin iluto sa hurno.
- 8 batag na hinog
- 2 sogok kan manok
- 8 kutsaritang asukar na puti
- 2 tasan mantika
- 12 kutsarang harina
- 2 kutsaritang levadura
Batihon an sogok asin liguison an batag na saba asin pagsorosoralakon an gabos asin dagnan ipritos na korokadikit asin kun luto na gabos paliguidon sa refinado gnaning maguin maraha na paghilignon.
- 2 tasang harina
- 2 kutsaritang levadura
- 3 kutsarang mantika
- 1/2 kutsaritang asin
- 3/4 tasan asucar na segunda clase
- 1 sogok
- 1 tasang camoteng minasa
Pinohon na marahay an camote asin pagsaralakon an gabos; an asucar, an mantika; idugang an binating sogok asin an camote. Batihon na marahay, asin isalak an harina, asin saka an levadura dagnan masahon na marahay sagkod na magkasaralak gabos. Ibogtak sa hurmahan asin lutoon sa hurno sa laog kan magna 10 minuto sagkod na magpulapula. Kun luto na haonon.
- 2 tasang monggo
- 1 niog na kinabog
- polvos de anis
- 1-1/2 tasang asucar na puti
- 3/4 tasang harina
- 1 tasang mantika
Lagaon an monggo sagkod na maluto. Patition asin salakan nin kinabog na niog asin asucar, polvos de anis saka sarong binating sogok. Masahon na marahay tagnaning magkasorosaralak. Magpanit kan mantika sa kawali asin diyan ipritos na korokadikit sagkod na maluto gabos.
- 6 na sogok
- 1 tasang harina
- 1/2 tasang refinado (maputi)
- vanilla
Batihon an sogok asin an azucar sagkod na magsabo nin marahay. Isalak an vanilla. Ibogtak sa hurmahan asin ilaog sa hurnong mainit.
- 1 tasang mantekilla
- 1-1/2 tasang asucar
- 3 sogok
- 2-1/2 tasang harina
- 1 kutsaritang baking powder
- 1 tasang pasas
- 1 tasang pili o walnut
- 1 kutsaritang vanilla
Batihon an mantekilla asin an asucar saka ibogtak an harina, pasas asin an pili, asin sa katapusan an le-
- 9 na kutsarang harina
- 1-1/3 tasang asucar
- 1/4 kutsaritang asin
- 4 na kutsarang mantekilla
- 1/2 tasang tagok kan suhang pinasoy
- 3 tasang tubig na mainit
- Guiris na pino kan ubak kan suhang pinaroy
Pagsaralakon an asucar, gaogao, asin saka bogtakan kan mainit na tubig, bokagon nin marahay dagnan ibogtak an binating pula kan sogok. Bokagon nin marahay saka ibogtak sa hurno. Ibogtak naman an mantekilla, an tagok kan dayap, asin an guiniris na ubak. Haonon na asin ibogtak na sa hurmahan kan pastel. Pagkatapos bogtakan sa ibabao kan merengue, puti kan sugok, asin 4 na kutsarang asucar. Lutoon nin 10 minuto. Kun malipot na dapat maguin matagas asin bakong malomoy na gayo.
- 1-1/4 tasang guiniris na piña
- 3/4 tasang tagok kan piña
- 1/4 tasang tagok kan kahel china
- 2 kapulahan kan sogok
- 2 kutsarang mantekilla
- 1/4 tasang asucar
- 1/4 kutsaritang asin
- 2 kutsarang harina
- 1 kutsaritang tagok kan limonsito
Pagsaralakon an harina, an asin saca asucar dagnan ibogtak ini gabos sa kapulahan kan sogok na binati. Idagdag an magna tagok kan frutas asin lutoon sa Baño Maria. Haonon sa kalayo asin ibogtak an guiniris na piña sa lata asin an mantekilla. Bogtakan sa ibabao kan marahay na pastel asin binating sogok tagnaning dai sopsopon an tagok kan frutas, dagnan isunod an ibang linuto. Basaon an guilid saka bogtakan kan minasang harina an guilid. Lutoon sa mainit na hurno nin 10 minuto, dagnan sa bakong masiadong mainit na hurno sa laog naman kan 25 minuto.
- 2 tasang gatas
- 3 niog
- 3 kutsarang mantekilla
- 3-1/2 kutsarang harina
- 1 tasang asucar
- 1 tasang kinodkod na niog
- kadikit na asin
- 3-1/2 kutsarang harina
Painiton an gatas; isalak an asucar asin harina saka bokagon sagkod na magpulotpulot. Lutoon nin 15 minuto. Ibogtak an mantekilla, saka an kinodkod na niog na binati sa sogok. Lutoon nin duang minuto. Ibogtak sa hurmahan an harina na guinibong garong pinggan asin lutoon sa hurno nin 10 minuto. Gumibo kan merengue, puti kan sogok asin duang kutsarang asucar.
- 1-1/2 latang gatas
- 1-1/4 tasang tubig
- 12 sogok
- 24 kutsarang asucar
Koon an 2/3 kan asucar asin tunauon sa 1/2 tasang tubig. Lutoon sagkod na maguin siring kan caramelo. Dagnan ibogtak sa hurmahan asin isalak an binating sogok, gatas, tubig, vanilla na kadikit dagnan ilaog sa hurno na bakong masiadong mainit.
- 1 tasang gatas
- 1 tasang tubig
- 2 tasang harina
- 1 kutsaritang mantekilla
- kadikit na asin
- bagong lana kan niog na paglulutoan.
Pakalakagaon an gatas, tubig, mantekilla saka asin. Kun harani nang magkalakaga ihulog an harina na luhayluhay, alagad mantang inihuhulog an harina dai pagtonognon an pagbokag. Kun mapulot na haonon nang madali. Magbogtak naman kan lana sa kawali asin guibohon na siring kan corte kan doughtnut saka pritoson, ignatan na dai matotong. Bayaan gnonang nagkakalakaga an lana bago ihulog an doughtnut.